តារាសម្ដែងចិនម្នាក់អះអាងថា Cha Eun-woo កំពុងមានទំនាក់ទំនងជាមួយមិត្តភ័ក្ដិរបស់នាង

កាលពីថ្ងៃទី១២ ខែធ្នូ តារាសម្តែង Zhao Yingzi ពីមុនត្រូវបានគេស្គាល់ថា Zhao Han Yingzi បានផ្សាយបន្តផ្ទាល់នៅលើវេទិកាមួយហើយបានបង្ហាញពីរឿងរ៉ាវដ៏គួរឱ្យភ្ញាក់ផ្អើលអំពី Cha Eun-woo ដោយនាងបាននិយាយថាតារាកូរ៉េរូបនេះកំពុងមានទំនាក់ទំនងស្នេហាជាមួយនឹងមិត្តភក្តិម្នាក់របស់នាង។

យោងទៅតាមតារាស្រីរូបនេះ Cha Eun-woo កំពុងតែចាប់អារម្មណ៍យ៉ាងខ្លាំងទៅលើមិត្តស្រីរបស់ខ្លួនដោយត្រូវបានគេរាយការណ៍ថាបានផ្ទេរប្រាក់ចំនួន ១០០ លានវ៉ុន (ជិត៧ម៉ឺនដុល្លារ )ដើម្បីឱ្យនាងបាត់ខឹងបន្ទាប់ពីឈ្លោះគ្នា។ លើសពីនេះ មិត្តស្រីរបស់តារាប្រុសរូបនេះត្រូវបានគេរាយការណ៍ថាបានធ្វើដំណើរទៅប្រទេសកូរ៉េខាងត្បូងមួយដងក្នុងមួយខែ ប៉ុន្តែបានបង្កើនការមកលេងរបស់នាងពីរដងក្នុងមួយខែ ដោយសារតែ Cha Eun-woo មិនអាចទ្រាំនៅឆ្ងាយពីនាងបាន។

ការ Live របស់ Zhao Yingzi បានធ្វើឱ្យប្រព័ន្ធផ្សព្វផ្សាយសង្គមចិនមានភាពចលាចល Hashtag “Cha Eun-woo ណាត់ជួបមិត្តភ័ក្តិ Zhao Yingzi” កំពុងពេញនិយម ទាក់ទាញការចូលមើល និងមតិយ៉ាងច្រើន។ ទោះជាយ៉ាងណាក៏ដោយ អ្នកនិយមលេងអ៊ីនធឺណិតភាគច្រើនមានការងឿងឆ្ងល់ចំពោះរឿងនេះ ដោយសារតែខ្វះព័ស្តុតាង ហើយថែមទាំងចោទប្រកាន់ Zhao Yingzi ថាបានប្រើឈ្មោះ Cha Eun-woo ដើម្បីផ្សព្វផ្សាយជាសាធារណៈទាញប្រយោជន៍ផ្ទាល់ខ្លួន។ កាលពីមុន Cha Eun-woo មានពាក្យចចាមអារ៉ាមជាមួយ Rosé សមាជិក BLACKPINK ។

គួរកត់សម្គាល់ផងដែរថា កាលពីពេលថ្មីៗនេះក៏មានពាក្យចចាមអារ៉ាមពីតារាសម្តែង Kim Soo-hyun ដែលត្រូវបានចោទប្រកាន់ថាបានស្នើសុំឱ្យអ្នកគ្រប់គ្រងរបស់ខ្លួនសុំលេខនារីម្នាក់ ជនជាតិចិននៅក្នុងកម្មវិធីមួយក្នុងខែមិថុនា។ ថ្វីដ្បិតតែ Kim Soo-hyun ពិតជាមានវត្តមាននៅក្នុងមហោស្រពតន្ត្រីក៏ដោយ អ្នកនិយមលេងអ៊ីនធឺណិតបានលើកឡើងថារូបភាពមួយសន្លឹកមិនគ្រប់គ្រាន់ដើម្បីបញ្ជាក់ថាតារាប្រុសរូបនេះបានចូលទៅជិតនារីរូបនោះឡើយហើយការដែលតារាប្រុសរូបនេះឱនទៅជិតនារីរូបនោះដោយសារតែទីនោះមានសំឡេងខ្លាំងទើបមានការឱនទៅនិយាយបែបនេះ៕