រឿងភាគទូរទស្សន៍ «When the Phone Rings»ដែលមានតួឯកស្រី Chae Soo Bin និង Yoo Yeon Seok កំពុងទទួលបានប្រជាប្រិយភាពយ៉ាងខ្លាំងនៅក្នុងប្រទេសជាច្រើនសម្រាប់រឿងភាគនាចុងឆ្នាំ២០២៤នេះ ដោយផ្អែកលើប្រលោមលោកអនឡាញក្រោមការដឹកនាំការសម្តែងដោយ Park Sang Woo និង Wi Deuk Gyu ។
ចាប់តាំងពីការចេញផ្សាយដំបូងនៅថ្ងៃទី២២ ខែវិច្ឆិកា «When the Phone Rings» ទទួលបានការចាប់អារម្មណ៍យ៉ាងលើសលប់ពីអ្នកសេ្នហារឿងភាគកូរ៉េ។ នៅក្នុងខ្សែភាពយន្តនេះ Chae Soo Bin ដើរតួជា Hong Hee Joo ជាតួស្រីដែលមិនអាចនិយាយបាន ដោយប្រើភាសាកាយវិការ និងការសរសេរនៅក្នុងការទំនាក់ទំនង ប៉ុន្តែការពិតនាងគឺអាចនិយាយបាន។ តួស្រីគឺជាកូនស្រីរបស់ម្ចាស់កាសែតប្រចាំថ្ងៃដ៏ល្បីល្បាញមួយ និងត្រូវបានបង្ខំឱ្យរៀបការជាមួយតួឯកប្រុស Baek Sa Eon (សម្តែងដោយ Yoo Yeon Seok) ។ តួឯកទាំងពីរមានភាពស្និទ្ធស្នាល និងមានភាពរ៉ូមែនទិកជាច្រើន។
Chae Soo Bin មានឈ្មោះពិតថា Bae Soo Bin កើតនៅថ្ងៃទី ១០ ខែកក្កដា ឆ្នាំ ១៩៩៤។ នៅក្នុងបទសម្ភាសន៍ជាមួយ Korea JoongAng Daily តារាស្រីរូបនេះបាននិយាយថាការចូលប្រឡូកសិល្បៈរបស់នាងគឺជារឿងចៃដន្យដោយអ្នកដឹកនាំរឿង ខណៈដែលនាងត្រឡប់ទៅផ្ទះវិញបន្ទាប់ពីមកពីរៀន។ ក្នុងឆ្នាំ ២០១៤ Soo Bin បានចុះហត្ថលេខាលើកិច្ចសន្យាគ្រប់គ្រងជាមួយ Toin Entertainment ដោយបានបង្ហាញខ្លួនដំបូងក្នុងរឿង My Dictator ។
ក្នុងឆ្នាំ ២០១៥ Soo Bin បានបង្ហាញខ្លួននៅក្នុងរឿងភាគទូរទស្សន៍ House of Bluebird ដែលជួយឱ្យនាងឈ្នះពានរង្វាន់តារាសម្តែងថ្មីល្អបំផុតនៅឯ APAN Star Awards លើកទី៤ និងពានរង្វាន់ KBS Drama Awards លើកទី ២៩ ក្នុងឆ្នាំដដែលនោះនាងបានបង្ហាញខ្លួននៅក្នុងស៊េរី Cheer Up។ 
ជាមួយនឹងលទ្ធផលនេះ Soo Bin ថានាងមិននឹកស្មានថានឹងមានភាពល្បីល្បាញយ៉ាងឆាប់រហ័សក្នុងអាជីពរបស់នាងនោះទេ។ តារាសម្ដែងវ័យ៣០ឆ្នាំរូបនេះចាត់ទុកការសវនកម្មនីមួយៗជាបទពិសោធន៍មួយដើម្បីរៀនជំនាញសម្ដែងបន្ថែមទៀត ជាជាងឱកាសដើម្បីបង្ហាញខ្លួនក្នុងគម្រោងមួយ។ នាងបាននិយាយថា «ឪពុកម្តាយរបស់ខ្ញុំមានអារម្មណ៍ច្របូកច្របល់នៅពេលខ្ញុំនិយាយថាខ្ញុំចង់សម្តែង។ ឥឡូវនេះ ប៉ារបស់ខ្ញុំចូលចិត្តឃើញខ្ញុំនៅលើកញ្ចក់ទូរទស្សន៍ឬអេក្រង់ទូរសព្ទ»។.png)
ក្នុងឆ្នាំ ២០១៦ Soo Bin បានទាក់ទាញចំណាប់អារម្មណ៍ក្នុងរឿង «Love in the Moonlight » ដោយនាងដើរតួជា Jo Ha Yeon ដែលត្រូវបានជ្រើសរើសធ្វើជាម្ចាស់ក្សត្រី។ ប្រព័ន្ធផ្សព្វផ្សាយបានបញ្ចេញមតិថា នាងមានកាយវិការគួរសម និងស្មុគ្រស្មាញ បង្កើតស្រទាប់ជាច្រើនសម្រាប់រឿងភាគប្រវត្តិសាស្ត្រ។ Soo Bin បានបន្តសម្ដែងនៅលើកញ្ចក់ទូរទស្សន៍ជាមួយនឹងតួនាទីនាំមុខក្នុង រឿង The Rebel , First Delivery និង I’m Not a Robot ក្នុងឆ្នាំ ២០១៧។ មួយឆ្នាំក្រោយមក តួនាទីឈានមុខគេក្នុងរឿង Where Stars Land បានជួយឱ្យនាងទទួលបានពានរង្វាន់ជាតារាសម្ដែងឆ្នើម នៅក្នុងរឿងភាគនៅ SBS Drama Awards។
ក្នុងឆ្នាំ២០២២ នាងបានលេចធ្លោជាមួយនឹងតួនាទីរបស់នាងជា Go Eun Kang ក្នុងរឿង Rookie Cops (2022) ដែលបានកំណត់នៅសាលាប៉ូលិស។ នាងបានបង្ហាញយ៉ាងច្បាស់ពីបុគ្គលិកលក្ខណៈយុវវ័យដ៏ស្វាហាប់របស់យុវជនម្នាក់ដែលតាំងចិត្តចូលបម្រើក្នុងកម្លាំងប៉ូលិស។ កាលពីខែកក្កដា Chae Soo Bin បានសម្តែងជាអ្នកបម្រើលើយន្តហោះដែលព្យាយាមការពារអាយុជីវិតអ្នកដំណើរក្នុងរឿង Hijack 1971 ។ អ្នកជំនាញភាពយន្តជាច្រើនបានអធិប្បាយថានាងបានបំពេញតួនាទីរបស់នាងហើយបានរួមចំណែកដល់ចំណុចកំពូលនៃសាច់រឿង។ នៅដើមឆ្នាំ២០២៤ Chae Soo Bin បានឈ្នះការបោះឆ្នោតជ្រើសរើសតារាស្រីដែលស្អាតបំផុតនៅក្នុងប្រទេសកូរ៉េ ២០២៤ ដោយ គេហទំព័រ KingChoice ។ នាងមានការភ្ញាក់ផ្អើលនៅពេលដែលនាងមានឈ្មោះជាមួយតារាល្បីៗជាច្រើនដូចជា Song Hye Kyo តារាចម្រៀង Jisoo និង Suzy ជាដើម។
Soo Bin ធ្លាប់បាននិយាយថា រាល់ពេលដែលនាងទទួលបានគម្រោងមួយ នាងគិតច្រើនក្នុងការស្រាវជ្រាវ និងវិភាគតួអង្គឱ្យបានហ្មត់ចត់ ដើម្បីសម្តែងនៅក្នុងខ្សែភាពយន្តឱ្យល្អបំផុត។ ភាពទន់ខ្សោយរបស់នាងគឺនាងតែងតែមានភាពតានតឹង និងថប់បារម្ភនៅពេលចាប់ផ្តើមការងារ។ បើមិនរវល់ថតរឿងទេ តារាស្រីរូបនេះចូលចិត្តធ្វើដំណើរ ឬអានសៀវភៅ។ នាងបាននិយាយថា «នៅពេលអនាគត ខ្ញុំចង់សាកល្បងតួនាទីផ្សេងៗជាច្រើន ។ ខ្ញុំពិតជាស្រឡាញ់សត្វ និងចង់ចូលរួមក្នុងការងារដែលខ្ញុំអាចធ្វើជាមិត្តជាមួយពួកគេ»៕
