អ្នកស្នងមរតករបស់មហាសេដ្ឋីចិន និងជាអតីតសមាជិកក្រុម EXO Huang Zitao និងតារាសម្តែង Xu Yiyang បានប្រកាសនៅលើអ៊ីនធឺណិតដោយអ្នកទាំងពីរបានចុះសំបុត្រអាពាហ៍ពិពាហ៍ក្លាយជាគូស្នេហ៍ស្របច្បាប់ ខណៈតារាទាំងពីរដួងគ្រោងរៀបចំពិធីមង្គលការនៅឆ្នាំក្រោយនេះ។.png)
នៅថ្ងៃទី២ ខែធ្នូ Huang Zitao អតីតសមាជិក EXO និង Xu Yiyang ដែលជាអតីតអ្នកហ្វឹកហាត់ SM Entertainment បានបង្ហោះរូបភាព ជាមួយនឹងកាន់សំបុត្រអាពាហ៍ពិពាហ៍នៅក្នុងដៃរបស់ពួកគេ ដោយប្រកាសថាពួកគេបានក្លាយជាគូស្នេហ៍ស្របច្បាប់នៅក្នុងប្រទេសចិន។ ដំណឹងនេះបានធ្វើឱ្យអ្នកគាំទ្រមានការចែករំលែកព្រោងព្រាតដោយបានសម្តែងក្តីអបអរចំពោះអ្នកទាំងពីរដែលបានក្លាយជាទៅជាប្តីប្រពន្ធនឹងគ្នា។
គួរឱ្យដឹងថា កាលពីថ្ងៃទី ៣ ខែវិច្ឆិកា Huang Zitao បានបញ្ជាក់ពីគម្រោងពិធីមង្គលការរបស់ពួកគេនៅឆ្នាំក្រោយដោយត្រៀម៣តុសម្រាប់ហ្វេនៗរបស់ពួកគេចូលរួម។ដំណឹងបានជំរុញការពិភាក្សាយ៉ាងឆាប់រហ័សនៅទូទាំងប្រព័ន្ធផ្សព្វផ្សាយសង្គម។
កាលពីខែសីហា Huang Zitao បានស្នើសុំ Xu Yiyang រៀបការដែលធ្វើឱ្យមានភាពល្បីល្បាញយ៉ាងខ្លាំងដោយបានប្រកាសទំនាក់ទំនងជាសាធារណៈនៅថ្ងៃទី១៤ ខែកក្កដា ឆ្នាំ២០២៤ ខណៈអ្នកទាំងពីរមានពាក្យចចាមអារ៉ាមស្នេហាក្នុងឆ្នាំ២០២០។ បច្ចុប្បន្ន Huang Zitao មានអាយុ ៣១ ឆ្នាំ និង Xu Yiyang មានវ័យ ២៨ ឆ្នាំ ត្រូវបានគេនិយាយថាបានជួបគ្នាដំបូងនៅ SM Entertainment ក្នុងប្រទេសកូរ៉េខាងត្បូង ដែល Yiyang ជាអ្នកហ្វឹកហាត់ ហើយ Huang Zitao ជាសមាជិកក្រុម EXO។
Huang Zitao បានចាកចេញពីក្រុម EXO ក្នុងឆ្នាំ ២០១៥ ដោយសារបញ្ហាសុខភាព ហើយបានត្រឡប់ទៅប្រទេសចិនវិញនិងបានបង្កើតភ្នាក់ងារផ្ទាល់ខ្លួន L.TAO Entertainment ក្នុងឆ្នាំ ២០១៨។ យោងតាមកាសែត South China Morning Post តារាប្រុសរូបនេះ បានទទួលមរតកទ្រព្យសម្បត្តិចំនួន ៣ ពាន់លានដុល្លារពីឪពុកដែលលោកជាអ្នកមានបំផុតម្នាក់របស់ប្រទេសចិនដែលបានទទួលមរណភាពនៅឆ្នាំ ២០២០ ៕
