កាលពីថ្ងៃទី៣០ ខែវិច្ឆិកា ឆ្នាំ២០២៤ មានការចែករំលែកជាច្រើននៅលើបណ្តាញសង្គម ក្រោយគេប្រទះឃើញសាមណេរមួយអង្គគង់បួសរៀននៅវត្តអារុណវតី ភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ អង្គុយប្រលែងលេងជាមួយយុវតីម្នាក់ នៅមាត់ស្រះទឹកក្នុងវត្ត។.png)
ពាក់ព័ន្ធនឹងករណីនេះ ព្រះគ្រូចៅអធិការវត្ត និងមន្ត្រីធម្មការខណ្ឌ បាននិមន្តសាមណេរអង្គនោះមកសាកសួរ ដោយព្រះអង្គបានទទួលកំហុស និងបានសុំសឹកដោយខ្លួនឯង។
បើតាមគណៈកម្មការវត្តបានលើកឡើងថា៖”កំហុសឆ្គងនេះ មិនមានទោសដល់ថ្នាក់ចាប់បង្ខំផ្សឹកនោះទេ តែសាមណេរខ្លួនឯងផ្ទាល់តាំងចិត្ត ដាក់រូប ដាក់កាយ បម្រើក្នុងព្រះពុទ្ធសាសនាមិនទាន់បាន ជៀសវាងកំហុសកាន់តែធ្ងន់ ក៏បានសុំគ្រូចៅអធិការ សឹកតែម្តង ដោយអនុវត្តទៅតាមគោលការសង្ឃ។
គួរបញ្ជាក់ថា សាមណេររូបនោះមានព្រះនាម ចន សីហា បានបង្កកំហុសមួយក្នុងវិស័យព្រះពុទ្ធសាសនា ដោយមានការខ្មាសអៀនក៏សុំសឹកតែម្តង៕
