លោកស្រី តិមា វិច្ឆិកាល ដែលជាកូនស្រីរបស់អតីតអភិបាលក្រុងភ្នំពេញ ឯកឧត្តម កែប ជុតិមា ត្រូវបានតែងតាំងជាអភិបាលរង នៃគណៈអភិបាលរាជធានីភ្នំពេញ។
មុនកាន់តំណែងជាអភិបាលរងរាជធានីភ្នំពេញ លោកស្រី តិមា វិច្ឆិកាល មានតួនាទីជានាយិការងរដ្ឋបាលរាជធានីភ្នំពេញ។
នៅក្នុងការឡើងមកនេះ លោកស្រី តិមា វិច្ឆិកាល ត្រូវជំនួសតំណែងលោកស្រី កែវ សុខពិសី ដែលត្រូវដល់អាណត្តិ និងត្រូវផ្ទេរទៅកាន់អង្គភាពដើមវិញ។.png)
បច្ចុប្បន្ន គណៈអភិបាលរាជធានីភ្នំពេញ មានអភិបាលមួយរូប និងអភិបាលរងចំនួន១០រូប ជាជំនួយការ។
គួរបញ្ជាក់ផងដែរថា លោកស្រី តិមា វិច្ឆិកាល មានបទពិសោធន៍ជាង២០ឆ្នាំលើការបម្រើការក្នុងគណៈអភិបាលរាជធានីភ្នំពេញ តាំងពីជំនាន់ឯកឧត្តម កែប ជុតិមា ធ្វើជាអភិបាលក្រុងភ្នំពេញមកម្ល៉េះ៕
