គិតត្រឹម៦ខែនៃឆ្នាំ២០២៤ ប្រជាពលរដ្ឋខ្មែរដែលបានចាញ់បោក អស់ប្រាក់ប្រមាណជិត៤០លានដុល្លារអាមេរិក តាមប្រព័ន្ធអ៊ីនធ័រនែត នេះបើយោងតាមទិន្នន័យរបស់ក្រសួងមហាផ្ទៃ។
ហេតុផលភាគច្រើន ដែលធ្វើឱ្យពលរដ្ឋខ្មែរចាញ់បោក និងបាត់បង់ប្រាក់តាមប្រព័ន្ធបច្ចេកវិទ្យា ក៏ព្រោះភាពជឿនលឿន និងភាពងាយស្រួល រាល់ពេលផ្ទេរប្រាក់ និងបង់ប្រាក់តាមប្រព័ន្ធបច្ចេកវិទ្យា បានធ្វើឱ្យក្រុមឧក្រិដ្ឋជន សអាចបន្លំចូលលួចលុយបានយ៉ាងងាយស្រួល។.png)
បើតាមរដ្ឋមន្ត្រីក្រសួងមហាផ្ទៃ ឯកឧត្តមអភិសន្តិបណ្ឌិត ស សុខា បានលើកឡើងថា៖” យើងពុំអាចបញ្ជាក់បានទេថា នឹងមានវិធីសាស្ត្របែបណាដើម្បីអាចយកលុយបានមកវិញ ព្រោះថាកម្ពុជាពិបាកនឹងស្វែងរកប្រភពដែលបានយកលុយទាំងនោះ។ ប៉ុន្តែយើងនឹងពង្រឹងការចាត់វិធានការលើករណីនេះទេ មិនឱ្យពលរដ្ឋខ្មែរបាត់បង់ប្រាក់បន្ថែមទៀតទេ”។
គួរបញ្ជាក់ថា ក្នុងរយៈពេល៦ខែក្នុងឆ្នាំ២០២៤ សមត្ថកិច្ចបានបង្ក្រាបទីតាំងប្រព្រឹត្តអំពើឆបោកតាមប្រព័ន្ធអនឡាញខុសច្បាប់ជាច្រើនកន្លែង ក្នុងខេត្តព្រះសីហនុ ដោយបានរំដោះជនបរទេសជាង១៦០០នាក់ មកពី៨ប្រទេស៕
