មិនត្រឹមតែមានសំឡេងផ្អែមពីរោះទេ Rosé ក៏មានជំនាញសិល្បៈដ៏អស្ចារ្យនេះទៀត

Rosé សមាជិកក្រុម BLACKPINK កំពុងឡើងដល់កម្ពស់ថ្មីក្នុងអាជីពទោលរបស់នាង ដោយក្លាយជាតារាចម្រៀង K-pop ដំបូងគេដែលឈរលើកំពូលតារាងពិភពលោករបស់ Apple Music។ បទ «APT» របស់នាង ក៏ជាប់លេខ១នៅលើ Spotify Global, iTunes Global និង YouTube Global ។ Rosé កំពុងគ្រប់គ្រងទីផ្សារតន្ត្រីកំពូលដូចជាសហរដ្ឋអាម៉េរិក ជប៉ុន អង់គ្លេស អាល្លឺម៉ង់ និងចិន ហើយជាសមាជិក BLACKPINK ដំបូងដែលសម្រេចបាន Perfect All Kill នៅលើតារាងកូរ៉េ។

Rosé ត្រូវបានគេសរសើរចំពោះផ្នត់គំនិតតន្ត្រីប្រកបដោយភាពច្នៃប្រឌិតរបស់នាង ប៉ុន្តែ Rosé ផ្តល់ច្រើនជាងនេះទៅទៀត ពោលគឺនាងមានចក្ខុវិស័យសិល្បៈដ៏គួរឱ្យចាប់អារម្មណ៍ផងដែរ។ នៅលើវេទិការកូរ៉េដ៏ពេញនិយមមួយមានការបង្ហោះមួយដែលមានចំណងជើងថា «Rosé រចនាដោយផ្ទាល់នូវមេក្រូហ្វូនរបស់ BLACKPINK»។

ការបង្ហោះរួមមានរូបថតរបស់មេក្រូហ្វូនថ្មីរបស់ BLACKPINK និងStory Instagram របស់ Jisoo សុំឱ្យ Rosé បញ្ចេញរូបភាពរបស់មេក្រូហ្វូន ដោយពន្យល់ថាមីក្រូទាំងនេះត្រូវបានប្រើប្រាស់ដោយ BLACKPINK ចាប់តាំងពីការសម្តែង Coachella របស់ពួកគេ ហើយមីក្រូពិតជាត្រូវបានរចនាឡើងដោយសមាជិក Rosé។

អ្នកនិយមលេងអ៊ីនធឺណិតដែលបានបង្ហោះរូបនេះក៏បានបង្ហាញរូបគំនូរដ៏ស្រស់ស្អាតមួយចំនួនរបស់ Rosé ដោយបានកោតសរសើរទេពកោសល្យរបស់នាងយ៉ាងខ្លាំងទាំងស្អាតពូកែហើយពូកែគូរគំនូរទៀត។

Rosé មានឈ្មោះជាភាសាកូរ៉េថា Park Chaeyoung មានអាយុ២៧ឆ្នាំ កើតនៅប្រទេស New Zealand បានមកប្រទេសអូស្ត្រាលីជាមួយគ្រួសារតាំងពីអាយុ៨ឆ្នាំ។ នាងបានចុះកុងត្រាជាមួយក្រុមហ៊ុន YG បន្ទាប់ពីការសវនកម្មឆ្នាំ២០១២ ដោយធ្វើការជាអ្នកហ្វឹកហាត់រយៈពេល៤ឆ្នាំ។ នៅខែសីហា ឆ្នាំ២០១៦ តារាចម្រៀងរូបនេះបានបង្ហាញខ្លួនជាលើកដំបូងក្នុងនាមជាអ្នកចម្រៀងសំខាន់របស់ក្រុម BLACKPINK ។ នៅក្នុងខែមិថុនា ឆ្នាំ២០២០ Rosé បានជាប់ចំណាត់ថ្នាក់ទី ៨ ក្នុងបញ្ជីមុខមាត់ស្អាតបំផុតទាំង ១០ នៅអាស៊ី៕