កំពូលតារាសម្តែងដ៏ល្បីរបស់ថៃគឺ Baifern Pimchanok បានបង្ហើបគន្លឹះថែរក្សាសម្រស់ឱ្យស្រស់ផូរផង់ ជាមួយនឹងស្បែកសល្អឥតខ្ចោះរបស់នាង។ Baifern បានចែករំលែកថា ភារកិច្ចដ៏សំខាន់របស់នាងគឺការថែរក្សាសម្រស់ទោះបីជាការងាររបស់នាងមមាញឹកខ្លាំងប៉ុណ្ណាក៏ដោយ ក៏នាងតែងតែចំណាយពេលថែរក្សាស្បែកយ៉ាងយកចិត្តទុកដាក់បំផុត។ ដូច្នេះហើយខាងក្រោមនេះគឺជាកំបាំងថែសម្រស់ ៤ យ៉ាងរបស់តារាស្រីថៃ Baifern៖.png)
១.លាងសម្អាតស្បែកដោយប្រុងប្រយ័ត្ន៖ បន្ទាប់ពីបញ្ចប់ការងាររួចតារាស្រីវ័យ ៣២ ឆ្នាំរូបនេះតែងព្យាយាមសម្អាតស្បែករបស់នាងពីរដងក្នុងមួយថ្ងៃគឺពេលព្រឹក និងពេលយប់ ជាមួយនឹងប្រេង ឬទឹកដោះគោ ដើម្បីសម្អាតធូលី និងគ្រឿងសម្អាងដែលនៅសេសសល់។
២.ប្រើសេរ៉ូម៖ Baifern គឺចូលចិត្តប្រើសេរ៉ូមដែលមានសារធាតុចិញ្ចឹមដូចជា glycerin, propylene glycol, vitamin E… ដែលសារធាតុផ្សំទាំងនេះមានជាតិសំណើមខ្ពស់ និងប្រឆាំងអុកស៊ីតកម្មលើស្បែក ជួយឱ្យស្បែកសតឹងណែន សរលោង និងមានសុខភាពល្អ។.png)
៣.ប្រើឡេការពារកម្តៅថ្ងៃ៖ កំពូលតារាសម្តែងដ៏ល្បីរបស់ថៃរូបនេះគឺតែងតែយកចិត្តទុកដាក់លើការប្រើប្រាស់ឡេការពារកម្តៅថ្ងៃមុនពេលចេញទៅក្រៅ ដើម្បីធានាថាស្បែករបស់នាងត្រូវបានការពារយ៉ាងល្អពីផលប៉ះពាល់នៃកាំរស្មីយូវី។
៤.របបអាហារត្រឹមត្រូវ៖ Baifern Pimchanok តែងតែរក្សាទម្លាប់នៃការទទួលទានឱ្យបានត្រឹមត្រូវដើម្បីរក្សាស្បែករបស់នាងឱ្យល្អឥតខ្ចោះ។ នាងតែងញ៉ាំបន្លែ និងផ្លែឈើជាប្រចាំ ដែលជាអាហារសម្បូរទៅដោយសារធាតុចិញ្ចឹមដល់ស្បែក និងរាងកាយ៕
