អ្នកគាំទ្រផ្តល់ចំណុចកែលម្អកម្មវិធី Miss Planet International ដើម្បីកាន់តែល្អប្រកួតប្រជែងជាមួយកម្មវិធីសម្រស់ផ្សេងទៀត

ដូចមហាជនជ្រាបមកហើយថាកម្ពុជានឹងធ្វើជាម្ចាស់ផ្ទះក្នុងកម្មវិធី Miss Planet International ដែលនឹងមានបវរកញ្ញាមកពីជាង៧០ប្រទេសជុំវិញពិភពលោកចូលរួមប្រកួតនាខែវិច្ឆិកា នេះ។ អ្នកគាំទ្រវិស័យបវរកញ្ញាជាច្រើនបានផ្តល់ជាចំណុចកែលម្អទៅកាន់កម្មវិធី MPI ដើម្បីឱ្យកាន់តែល្អប្រសើរស្របទៅតាមលក្ខណៈស្តង់ដាដើម្បីឱ្យកម្មវិធីបង្កើតឡើងដោយកូនខ្មែរមួយនេះអាចប្រកួតប្រជែងជាមួយកម្មវិធីសម្រស់ធំៗផ្សេងៗទៀតបាន។

តាមការស្ទង់មតិពីអ្នកគាំទ្រផ្តល់ទៅកាន់ផេកបុរាណាចារ្យ ចំណុចដែលអ្នកគាំទ្រកែលម្អទៅកាន់ការរៀបចំការប្រកួត Miss Planet International មានដូចជា«១. ឆាកគឺសុំទំហំតាមចំនួនបេក្ខភាពនិងមានរចនាសោភ័ណ ហើយផ្លាស់ប្តូររូបរាងរាល់ឆ្នាំ ២. កាមេរ៉ាចាប់ប្លង់ឱ្យបានល្អ ច្បាស់4k និងភ្លើងឱ្យភ្លឺ សម្លេងច្បាស់ និងមានLED ដែលមានការរចនាឌីហ្សាញបានស្អាត ៣. មានឆាកធំល្មមសម្រាប់វគ្គពាក់កណ្តាលផ្តាច់ព្រ័ត្រ និងមានការថតផ្សាយច្បាស់លាស់៤. ឈុតតំណាងជាតិ និងឈុតហែលទឹកគួរធ្វើនៅក្នុងវគ្គពាក់កណ្តាលផ្តាច់ព្រ័ត្រ ៥. ការប្រកួតមួយវគ្គៗសុំឱ្យមានរយៈពេលល្មមត្រឹមតែ៣ទៅ៤ម៉ោងបានហើយ ៦. ជ្រើ ជ្រើសពិធីករឱ្យសមនឹងកម្មវិធីអន្តរជាតិ មានបទពិសោធន៍និងមានវោហាសាស្ត្រ»។ ៧. ប្រកាស top និងរង្វាន់នីមួយៗឱ្យបានលឿន ដោយមិនចាំបាច់រំខានគណៈអធិបតីឡើងមក ៨. ចង់ឱ្យ Miss planet បង្ហាញពី concept របស់ខ្លួនឱ្យបានច្បាស់ៗ ដើម្បីឱ្យបេក្ខភាព រៀបចំខ្លួនត្រូវតាមការចង់បានរបស់កម្មវិធី ៩. ឆៀងបេក្ខភាពត្រូវមានទំហំធំ មើលអក្សរឃើញច្បាស់មិនប្រើពណ៌ឆើតពេក។ ១០. ការថតរូប ការថតវីដេអូ បង្ហោះភ្លាមៗ ក្នុងទំព័រផ្លូវការ សម្រាប់សកម្មភាពផ្សេងៗ របស់បេក្ខភាពហើយត្រូវច្បាស់នឹងមានសោភ័ណភាព»។
ចំណុចដែលអ្នកគាំទ្របវរកញ្ញាចង់កែលម្អកម្មវិធី MPI ជាច្រើនទៀតបានដូចជា មានភ្លេងសម្រាប់កម្មវិធីផ្ទាល់ច្រើនបែប ប្រើសម្រាប់វគ្គនីមួយៗ មានហែលឈុតហែលទឹក ឈុត តំណាងជាតិជាដើម។ មានកាលវិភាគសកម្មភាពច្បាស់លាស់ និងស្របតាមគោលការណ៍កម្មវិធី។ បន្ថែមពេលវេលាប្រកួតយ៉ាងហោច១៥ថ្ងៃឡើង បន្ថែម Activity សកម្មភាពអោយបានច្រើន។ អ្នកដែលឈ្នះមកុដត្រូវមានសកម្មភាព និង មានការងារធ្វើរកចំណូលមកវិញ។ មានការវ៉ូត យកប្រជាប្រិយភាពតាមបណ្តាញសង្គម Facebook Instagram។ ផេកផ្លូវការ ត្រូវពង្រីកវិសាលភាពការផ្សព្វផ្សាយ មានអ្នកកាន់ច្រើន មានការ Live សកម្មភាពបវរកញ្ញា សម្ភាសន៍បវរកញ្ញាផ្សេងៗ។ មានការស្លៀកសម្លៀកបំពាក់ប្រពៃណីដែលមានគុណភាពនិងសោភ័ណភាព ក្នុងថ្ងៃផ្តាច់ព្រ័ត្រ។ មានអ្នកបកប្រែជូនបេក្ខភាព សម្រាប់បេក្ខនារីដែលត្រូវឆ្លើយសំណួរ។ ខិតខំប្រឹងប្រែង ស្វែងរក Sponsor និងចាប់ក្រសែសង្គមដើម្បីភាពល្បីល្បាញ ។ រៀបចំកម្មវិធីឱ្យមានស្តង់ដារ ផែនការទៅខាងមុខនៃកម្មវិធី ដើម្បីប្រកួតប្រជែងនឹងកម្មវិធីផ្សេងៗទៀតបាន។

បវរកញ្ញាភពផែនដីអន្តរជាតិ ឆ្នាំ២០២៤ ឬជាភាសាអង់គ្លេសហៅថា Miss Planet International 2024 ដែលកម្ពុជាទទួលធ្វើជាម្ចាស់ផ្ទះជាលើកទី៤ នឹងត្រូវប្រព្រឹត្តិទៅពីថ្ងៃទី១៩ ដល់ថ្ងៃទី២៧ ខែវិច្ឆិកា ឆ្នាំ២០២៤។ កញ្ញា ដេត ស្រីនាឌ ជា Miss Planet Cambodia 2024 នឹងតំណាងឱ្យកម្ពុជាក្នុងឆ្នាំនេះ ខណៈកាលពីឆ្នាំមុនកម្ពុជាបានជាប់ក្នុងចំណាត់ថ្នាក់TOP7៕