នាព្រឹត្តិការណ៍អបអរសាទរខួប២០ឆ្នាំ កម្ពុជាចូលជាសមាជិកអង្គការពាណិជ្ជកម្មពិភពលោក រៀបចំដោយក្រសួងពាណិជ្ជកម្ម នាថ្ងៃទី១៤ ខែតុលា ឆ្នាំ២០២៤នេះ សម្តេចធិបតី បានមានប្រសាសន៍ថា “កំណត់ឱ្យក្រុមហ៊ុនផ្លូវដែករបស់អ្នកឧកញ៉ា គិត ម៉េង និងក្រសួងសាធារណការនិងដឹកជញ្ជូន ត្រូវធ្វើយ៉ាងណា បញ្ចប់កិច្ចចរចា និងចុះMOU ឱ្យចប់សព្វគ្រប់នៅចុងឆ្នាំនេះ បើពុំដូច្នេះទេ សម្តេចធិបតី នឹងដកសិទ្ធិពីក្រុមហ៊ុន”។
សម្តេចធិបតី បានសង្កត់ធ្ងន់ថា “យើងមិនអាចទុកតទៅទៀតទេ ទៅថ្ងៃមុខយើងអាចពិនិត្យលទ្ធភាព រឿងផ្លូវដែកពីភ្នំពេញទៅទិសខាងកើត ព្រោះវាជួយច្រើននៅក្នុងការដឹកជញ្ជូន ដោយកាត់បន្ថយការចំណាយច្រើន ដូច្នេះសូមអ្នកឧកញ៉ា គិត ម៉េង ហើយឯកឧត្តម ប៉េង ពោធិ៍នា ធ្វើម៉េចចរចាឱ្យចប់ MOU រឿងផ្លូវដែកនឹង ឱ្យចប់ត្រឹមដាច់ឆ្នាំនេះ”។.png)
លើសពីនេះទៅទៀត សម្តេចអះអាងថា៖”សម្រាប់ការជួសជុលផ្លូវដែកនេះ ចិនបានផ្តល់ឱ្យថវិកាប្រមាណ ៣០០លានយ័ន ជាជំនួយឥតសំណង ហេតុដូច្នេះយើងត្រូវធ្វើយ៉ាងណាដើម្បីឱ្យផ្លូវដែកកាន់តែល្អប្រសើរ”។.png)
គួរបញ្ជាក់ផងដែរថា បច្ចុប្បន្នកម្ពុជា មានផ្លូវដែកចំនួន២ខ្សែ ដោយខ្សែទី១ នៅភាគខាងជើង ចេញពីភ្នំពេញ ទៅក្រុងប៉ោយប៉ែត និងខ្សែទី២ នៅភាគខាងត្បូង ចេញពីភ្នំពេញ ទៅក្រុងព្រះសីហនុ ដោយក្នុងនោះការដឹកជញ្ជូនតាមផ្លូវដែក គឺមានតិច ដែលមកតាមកុងតឺន័រមានតែ៦-៧ភាគរយ តែប៉ុណ្ណោះ៕
