វិមានរដ្ឋធម្មនុញ្ញ ត្រូវបានដាក់ឱ្យដំណើរការជាផ្លូវការ នៅថ្ងៃទី២៤ ខែកញ្ញា ឆ្នាំ២០២៤ ចំថ្ងៃអបអរសាទរខួបលើកទី៣១ នៃការប្រកាសដាក់ឱ្យប្រើប្រាស់រដ្ឋធម្មនុញ្ញ ក្រោមព្រះរាជអធិបតីភាពដ៏ខ្ពស់ខ្ពស់បំផុត ព្រះមហាក្សត្រ នរោត្តម សីហមុនី។
វិមាននេះ ជាស្ថាបត្យកម្មដ៏ល្អឯកមួយ ដោយផ្នែកខាងលើធ្វើឡើងដោយសំរឹទ្ធប្រមាណ៧០ភាគរយ និង ស្ពាន់៣០ភាគរយ។ ចំពោះ ផ្នែកខាងក្រោមធ្វើពីថ្មភក់ ដោយប្រើប្រាស់ត្រីសូល៍កំពូល ៩ យកតាមគំរូស្ថាបត្យកម្មខ្មែរសម័យអង្គរ។.png)
ការស្ថាបនាវិមានរដ្ឋធម្មនុញ្ញ ជាការបង្គ្រប់បី លើបណ្តាញអ័ក្សជាមួយវិមានឯករាជ្យ និងព្រះបរមរូប ផ្អែកលើទស្សនៈជំនឿ វប្បធម៌ សាសនា ក៏ដូចជាការគោរពដ៏ម៉ឺងម៉ាត់ នូវមានគ៌ារដ្ឋធម្មនុញ្ញ។
ជាទូទៅ ប្រជាជនខ្មែរនិយមគម្រប់៣ឬ៥ ស្របនឹងទស្សនាទានបាវចនាជាតិ គឺ
ជាតិ សំដៅលើវិមានឯករាជ្យ
សាសនាសំដៅលើវិមានរដ្ឋធម្មនុញ្ញ
ព្រះមហាក្សត្រ សំដៅលើមណ្ឌបព្រះបរមរូប
គួរបញ្ជាក់ផងដែរថា គិតមកទល់ពេលនេះ ការអនុវត្តរដ្ឋធម្មនុញ្ញបានរយៈពេល៣១ឆ្នាំ ពីថ្ងៃ ២៤ កញ្ញា ១៩៩៣ ដល់ ថ្ងៃទី២៤ កញ្ញា ២០២៤ ដោយកម្ពុជាសម្រេចបានសមិទ្ធផលធំធេងប្រកបដោយភាពជោគជ័យ ដែលញ៉ាំងឱ្យប្រជារាស្ត្របាននិងកំពុងរស់នៅក្នុងសុខសន្តិភាព ស្ថិរភាព និងការអភិវឌ្ឍ ក្រោមមាគ៌ាដឹកនាំដ៏ត្រឹមត្រូវរបស់រដ្ឋាភិបាល និងក្រោមម្លប់ត្រជាក់របស់អង្គព្រះមហាក្សត្រ៕
