ក្រសួង បញ្ចេញវេបសាយឱ្យបេក្ខជនតេស្តមុនការប្រឡងបាក់ឌុបចូលមកដល់

មុននឹងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៤ ចូលមកដល់ ក្រសួងអប់រំ យុវជន និងកីឡា បានធ្វើការបញ្ចេញវេបសាយមួយ ដែលអនុញ្ញាតឱ្យបេក្ខជនអាចធ្វើតេស្តសាកល្បងលំហាត់ និងសំណួរ-ចម្លើយផ្សេងៗទៀត។

រាល់លំហាត់ និងសំណួរ-ចម្លើយ នៅក្នុងវេបសាយនេះ គឺសម្រាប់ឱ្យបេក្ខជនពង្រឹងសមត្ថភាពខ្លួនឯងប៉ុណ្ណោះ ខណៈលំហាត់ និងសំណួរ-ចម្លើយ ទាំងនេះ មិនត្រូវបានប្រើប្រាស់ក្នុងគោលបំណងផ្សេងនោះឡើយ។

ដើម្បីប្រើប្រាស់វេបសាយនេះ សូមចូលទៅកាន់តំណភ្ជាប់នេះ https://exam.moeys.gov.kh

គួរបញ្ជាក់ផងដែរថា ការប្រឡងសញ្ញាបត្រមធ្យមសិក្សាទុតិយភូមិ នឹងប្រព្រឹត្តិទៅនៅថ្ងៃទី៨ ខែតុលា ឆ្នាំ២០២៤ ខាងមុខនេះ៕