ថ្មីៗនេះ ក្រុមហ៊ុន ZO MOTORS (CAMBODIA) CO.,LTD បានធ្វើការបើកការដ្ឋានសាងសង់ រោងចក្រដំឡើងរថយន្តអគ្គិសនី បែបដឹកទំនិញ ដំបូងគេបំផុតនៅកម្ពុជា។
រោងចក្រនេះ ជារោងចក្រដំឡើងរថយន្តអគ្គិសនីលើកទី១ នៅកម្ពុជា ដែលអាចមានសមត្ថភាពផលិតរថយន្ត ៣ពាន់គ្រឿង សម្រាប់នាំចេញ និងផ្គត់ផ្គង់ក្នុងស្រុក។
ក្រុមហ៊ុន ZO Motors Co., Ltd. គឺជាក្រុមហ៊ុនផលិតរថយន្តពាណិជ្ជកម្មថាមពលជំនាន់ក្រោយ របស់ប្រទេសជប៉ុន-ចិន ហើយជាក្រុមហ៊ុនផលិត និងចែកចាយរថយន្តដឹកទំនិញពាណិជ្ជកម្ម ដែលមិនបញ្ចេញឧស្ម័ន ដោយត្រូវបានរចនា និងផលិតនៅអាស៊ី ជាមួយនឹងខ្សែសង្វាក់ផ្គត់ផ្គង់ជាសកល។ 
គួរបញ្ជាក់ផងដែរថា រោងចក្រនេះ មានទីតាំងស្ថិតនៅលើផ្ទៃដី ១០ហិកតា នៅក្នុងតំបន់សេដ្ឋកិច្ចពិសេសក្រគរ ក្នុងភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់៕
