សមត្ថកិច្ចតាមឃាត់ខ្លួនយុវជនម្នាក់ ក្រោយប្រកាស​ថា​ខ្លួន​ជា​អនុជ​របស់​ព្រះករុណា​ជា​អ​ម្ចាស់ជីវិតលើត្បូង

ក្រសួងព្រះបរមរាជវាំង បានស្នើឱ្យសមត្ថកិច្ច តាមឃាត់ម្ចាស់គណនី TikTok មួយមានឈ្មោះថា នរោត្តម សូរិយាវង្ស និងស៊ីសុវត្ថិ សីណាក់វង្ស ដែលអះអាងថាខ្លួនជាអនុជរបស់ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត។

ក្រសួងបានបញ្ជាក់ថា៖”បុគ្គលជាម្ចាស់គណនី Tik Tok មានឈ្មោះថា នរោត្តម សូរិយាវង្ស និងស៊ីសុវត្ថិ សីណាក់វង្ស មិនមានជាប់សែព្រះមហាក្សត្រព្រះករុណាជាអម្ចាស់ជីវិតលើត្បូងនោះទេ”។

លើសពីនេះទៀត ក្រសួងក៏បានសង្កត់ធ្ងន់ថា ព្រះមហាក្សត្សមានតែវេបសាយ(website)ចំនួន ២ប៉ុណ្ណោះ ដែលបានប្រើប្រាស់ជាផ្លូវការ រួមមាន៖
១- www.norodomsihamoni.org/ របស់ព្រះករុណាជាអម្ចាស់ជីវិតលើត្បូង ជាទីគោរព សក្ការៈដ៏ខ្ពង់ខ្ពស់បំផុត
២-www.norodomsihanouk.info/ របស់ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត៕