ថ្លែងក្នុងពិធីបញ្ចុះបឋមសិលាផ្សារក្ដាម ក្រុងកែបខេត្តកែប អភិបាលខេត្តកែប ឯកឧត្តមសោម ពិសិដ្ឋ បានមានប្រសាសន៍ថា ខេត្តកែបកំពុងតែសិក្សានិងរៀបចំគម្រោងធំៗ៤។
គម្រោងអភិវឌ្ឍទាំង៤នោះ រួមមាន៖
- ព្រែកជីកហ្វូណនតេជោ
- អភិវឌ្ឍឆ្នេរប្រវែង២៧០០ម៉ែត្រ
- ទីក្រុងរណប
- ផ្លូវធាក់កង់តាមបណ្ដោយមាត់សមុទ្រខេត្តកែប ដល់ខេត្តកោះកុងដែលមានចម្ងាយ៤០០គីឡូម៉ែត្រ។
បើតាមឯកឧត្តមអភិបាលខេត្តកែប គម្រោង៤នេះ នឹងធ្វើឱ្យលើកស្ទួយសេដ្ឋកិច្ច និងវិស័យទេសចរណ៍កាន់តែរីកចម្រើនថែមទៀត ស្របតាមគោលដៅក្នុងឆ្នាំ2023-ឆ្នាំ2035 ដើម្បីប្រកួតប្រជែងជាមួយខេត្តផ្សេងទៀតដែលនៅជាប់មាត់សមុទ្រ៕
