ស្រ្តីខ្មែរម្នាក់ដែលមានគំនិតច្នៃប្រឌិតខ្ពស់ ព្រមជាមួយឆន្ទៈដ៏មុះមាត់ក្នុងការជួយរកទីផ្សារស្ពៃក្រញ៉ាញ់ជូនដល់ប្រជាកសិករខ្មែរ ប៉ុន្តែបែរជាទទួលបានមកវិញនូវមតិរិះ.គន់.បែបជាន់ពន្លិចក្នុងចំណោមមហាជនខ្មែរមួយចំនួនតូច។
បន្ទាប់ពីមានការបង្ហោះចែកចាយនៅលើបណ្តាសង្គម ដោយគេហទំព័ររបស់អ្នកនាង នុត សម្ផស្ស ដែលត្រូវជាស្ថាបនិករោងចក្រសាប៊ូអូកា បានគូសបញ្ជាក់ថា «អ្នកនាងបានសហការជាមួយនឹងចំការស្ពៃក្រញ៉ាញ់មួយកន្លែងក្នុងស្រុកត្រាំកក់ ខេត្តតាកែវ ព្រោះដើម្បីជួយសម្រួលដល់បញ្ហាជាប់គាំងទីផ្សារប្រជាកសិករទៅលើដំណាំមួយប្រភេទនេះ ខណៈខាងរោងចក្ររបស់អ្នកនាងនឹងចាប់ផ្តើមជួយទិញស្ពៃក្រញ៉ាញ់មកកែច្នៃធ្វើជាសាប៊ូក្នុងមួយថ្ងៃមួយតោន»។ 
បន្ទាប់ពីបង្ហោះសារមួយឃ្លាបែបនេះភ្លាម ដោយសង្កេតឃើញថាមានមហាខ្មែរជាច្រើនបានចូលទៅបញ្ចេញមតិព្រោងព្រាត មានទាំងអ្នកកោតសរសើរនិងផ្តល់កម្លាំងចិត្តនូវគំនិតច្នៃប្រឌិតថ្មីនេះ ក៏ដូចឲ្យជួយលើកតម្កើនផលិតផលក្រោមស្លាកសញ្ញាខ្មែរ។ យ៉ាងណាមិញ ក៏នូវមានក្រុមមួយចំនួនតូច ដែលមិនបានជួយគាំទ្រហើយ ថែមបានបញ្ចេញមតិរិះគន់បែបជាន់ពន្លិច ដោយគ្មានការត្រិះរិះពិចារណាថែមទៀតផងដែរ។
បើយោងកិច្ចសម្ភាសន៍របស់លោក Bo Phakra ជាមួយនឹងស្ថាបនិករូបនេះបានឲ្យដឹងថា ដើម្បីផលិតបានជាសាប៊ូ គឺបានឆ្លងកាត់នូវសង្វាក់ផលិតកម្មជាច្រើនពីមួយដំណាក់កាលទៅមួយដំណាក់កាល ខណៈដែលការផលិតមាន ២ របៀបគឺការសម្ងួតនិងការចម្រាញ់ចេញពីបន្លែស្រស់តែម្តង ដែលដំណើរការនៃការផលិតគឺមានទាំងការលាងសម្អាត ការកិន និងការកៀបយកទឹកជាដើម។
ស្ថាបនិករូបនេះបានបញ្ជាក់ទៀតថា «ដើម្បីជួយរកទីផ្សារស្ពៃក្រញាញ់ជូនបងប្អូនកសិករយើង នាងខ្ញុំបានផលិតម៉ាសមុខ ហ្វូមលាងមុខ សាប៊ូលាងមុខ សាប៊ូដុសខ្លួន ចេញពីស្ពៃក្រញាញ់ដែលមានសារធាតុចិញ្ចឹម និងវីតាមីនជាច្រើនជួយដល់ស្បែក។ សាប៊ូស្ពៃក្រញាញ់ផ្តល់នូវអត្ថប្រយោជន៍ជាច្រើនក្នុងការថែរក្សាស្បែក រួមទាំងការផ្តល់ផ្តល់សំណើម ការពារប្រឆាំងអុកស៊ីតកម្ម ប្រឆាំងនឹងការរលាក និងជំរុញដល់ការផលិតកូឡាជែន ហើយប្រើជាប្រចាំក្នុងការថែរក្សាស្បែក សារធាតុចិញ្ចឹមរបស់ស្ពៃក្រញាញ់ធ្វើអោយស្បែកភ្លឺថ្លា តឹងណែន ពន្យារភាពចាស់របស់ស្បែក»៕
