ផ្អើលវិស័យបវរកញ្ញានិងភាពយន្ត! ល្អហួស និង លី មួយលាង ត្រៀមខ្លួនចូលសម្តែងខ្សែភាពយន្តខ្នាតធំបែបរន្ធ.ត់ ជាមួយបវរកញ្ញាឥណ្ឌូនេស៊ី

ថ្មីៗនេះ មហាជនជាច្រើនហាក់មានការភ្ញាក់ផ្អើលនិងរំភើបចិត្តយ៉ាងខ្លាំង ក្រោយត្រូវបានបង្ហើបថា បវរកញ្ញាវ័យក្មេងកម្ពុជា២រូប ដែលទើបតែទទួលបានម្កុដក្តៅៗថ្មីៗនៅលើឆាកអន្តរជាតិគឺ យុវតី ជូរី ល្អហួស និង លី មួយលាង នឹងត្រៀមខ្លួនចូលសម្តែងខ្សែភាពយន្តខ្នាតធំមួយរបស់ខ្មែរ ជាមួយបវរកញ្ញាវ័យក្មេងឥណ្ឌូណេស៊ីមួយរូបទៀត។

កាលពីថ្ងៃទី៩ ខែកក្កដា ឆ្នាំ២០២៤នេះ យោងតាមការបង្ហោះនៅលើគេហទំព័រផ្លូវការរបស់លោក អ៊ិន វិចិត្រ នាយកប្រតិបត្តិក្រុមហ៊ុន Groupin និង MediaLoad បានគូសបញ្ជាក់យ៉ាងច្បាស់ៗថា«ខ្ញុំនឹងត្រៀមផលិតរឿងខ្នាតធំ ដែលមាន Shaquila Keisha ជាតួខ្មោចឥណ្ឌូណេស៊ី និង ល្អ ហួស តួឯក ជាមួយនឹង លី មួយលាង»។

យ៉ាងណាមិញ យោងតាមការបញ្ជាក់ពីលោកអ៊ិន វិចិត្រ បែបនេះ បានបណ្តាលឲ្យមហាជនជាច្រើនទន្ទឹងរងចាំមើលនិងគាំទ្រយ៉ាងពេញទំហឹងលើខ្សែភាពយន្តមួយនេះគ្រប់ៗគ្នាតែម្តង ព្រោះតែលេចវត្តមានគ្រាប់ពេជ្រកម្ពុជាទាំង២រូប ពោរពេញដោយទេពកោសល្យខ្ពស់ នៅក្នុងខ្សែភាពយន្តតែមួយ គឺយុវតី ជូរី ល្អហួស ដែលជាម្ចាស់ជ័យលាភី Miss Pre-Teen International 2024 ព្រមជាមួយនឹង យុវតីលី មួយលាង ជាម្ចាស់ជ័យលាភី Miss Teen International 2024 ។ ខណៈដែលបវរកញ្ញាវ័យក្មេងកម្ពុជាទាំង២រូបនេះ នឹងត្រូvសម្តែងរួមគ្នាជាមួយនឹងបវរកញ្ញាវ័យក្មេងឥណ្ឌូនេស៊ីមួយរូបទៀតគឺ Shaquila Keisha គឺជាម្ចាស់ជ័យលាភី Miss Teen Icon International 2024។

យ៉ាងណាមិញ បើក្រឡេកមកមើលគ្រាប់កម្ពុជាទាំង២ រូបនេះ គឺ ល្អ ហួស និង លី មួយលាង ដែលពួកគេទាំង២នាក់នៅក្មេងៗសោះ ប៉ុន្តែមានសមត្ថភាពខ្ពស់ និងអត់សរសើរមិនបាន ដោយតាមរយៈកិច្ចខិតខំប្រឹងប្រែងនាពេលកន្លងមក បានលះបង់ទាំងកម្លាំងកាយ ចិត្ត និងថវិកា រហូតទទួលជ័យលាភីមកជូនជាតិមាតុភូមិ ក៏ដូចជាបានលើកតម្កើនមុខមាត់ប្រទេសកម្ពុជានៅលើឆាកអន្តរជាតិ និងជាគំរូល្អដល់ក្មេងៗដទៃគួរតែយកតម្រាប់តាមផងដែរ៕