ឯកឧត្តម គួច ចម្រើន ត្រូវបានផ្លាស់ប្តូរមុខដំណែងពីអភិបាលខេត្តព្រះសីហនុ

ឯកឧត្តមគួច ចម្រើន ដែលជាអភិបាលខេត្តព្រះសីហនុ ត្រូវបានព្រះមហាក្សត្រ ត្រាស់បង្គាប់ផ្ទេរ និងតែងតាំងមុខតំណែងឋានន្តរស័ក្កថ្នាក់លេខ១ពីអភិបាលខេត្តនៃគណៈអភិបាលខេត្តព្រះសីហនុ មកជាអភិបាលខេត្តនៃគណៈអភិបាលខេត្តកណ្តាលជំនួសវិញ។

ដោយឡែក អ្នកដែលត្រូវជំនួសឯកឧត្តមគួច ចម្រើនជាអភិបាលខេត្តព្រះសីហនុ គឺឯកឧត្តម ម៉ាង សុីណេត ឋានន្តរស័ក្កថ្នាក់លេខ៣។

គួរបញ្ជាក់ថា ឯកឧត្តម គួច ចំរើន ក៏ជាអតីតអភិបាលខេត្តកំពង់ចាមផងដែរ មុននឹងចូលកាន់តំណែងជាអភិបាលខេត្តព្រះសីហនុជាផ្លូវការ កាលពីថ្ងៃទី២៩ ខែមិថុនា ឆ្នាំ២០១៩កន្លងទៅ៕