តំបន់ប្រវត្តិសាស្ត្រយោធាតេជោកោះថ្ម X16 ដែលជាកន្លែងតស៊ូរបស់សម្តេចតេជោ ក្នុងដំណើរឆ្ពោះទៅការផ្តួលរំលំរបបប៉ុតពត ថ្ងៃទី២០ ខែមិថុនា ឆ្នាំ១៩៧៧ ស្ថិតនៅទីតាំង កោះថ្ម ឃុំទន្លូង ស្រុកមេមត់ ខេត្តត្បូងឃ្មុំ នឹងត្រូវប្រែក្លាយជារមណីយដ្ឋានទេសចរណ៍ដ៏មានសក្តានុពល និងទាក់ទាញភ្ញៀវទេសចរជាតិនិងអន្តរជាតិ។
តំបន់ប្រវត្តិសាស្ត្រយោធានេះ ដោយទទួលបានការគាំទ្រឧបត្ថម្ភពីក្រសួងការពារជាតិ ប្រទេសវៀតណាម និងថវិកាពីសប្បុរសជននានា ដោយមិនប្រើប្រាស់ថវិការដ្ឋឡើយ។
សម្រាប់ហេដ្ឋារចនាសម្ព័ន្ធ នៅក្នុងតំបន់ប្រវត្តិសាស្ត្រយោធាតេជោកោះថ្ម X16រួមមាន៖
- សាង់សងអគារវេទិកាអចិន្ត្រៃយ៍ ទំហំ ៦,១មx៤៧ម ចំនួន ១ខ្នង
- សាងសង់ទីលានបាល់ទាត់ លើដីទំហំ ៦៨មx១០៥ម
- ជីកស្រះមួយ មានទំហំ ៧០មx៧០ម ជម្រៅជាង ១០ម៉ែត្រ ដោយមានចម្លាក់រូបនាគពីថ្មភក់ព័ទ្ធជុំវិញ
- សាងសង់ប្រាង្គ និងចម្លាក់ព្រះអង្គគោកធ្លក
- សាងសង់សាលាដំណាក់ ទំហំ ៦,១មx១៩,៦ម ចំនួន ១ខ្នង កម្ពស់ ១ជាន់
- សាងសង់អគារមិត្តភាព ១ខ្នង កម្ពស់ ១ជាន់ ដោយមានបំពាក់គ្រឿងសង្ហារឹម និងសម្ភារបច្ចេកទេសLED
- កុំព្យូទ័រ ប្រព័ន្ធកាមេរ៉ាសុវត្ថិភាព ក្រោមជំនួយឥតសំណងរបស់ក្រសួងការពារជាតិប្រទេសវៀតណាម
ដាក់បង្គោល និងតបណ្តាញអគ្គិសនី - រៀបចំប្រព័ន្ធលូរំដោះទឹក
- ចាក់បេតុងធ្វើផ្លូវ ក្រាលថ្មម៉ិច ដាំកូនឈើ ដាំស្មៅលម្អ និងធ្វើទីលានចតឧទ្ធម្ភាគចក្រ៥ទីតាំង។
គួរបញ្ជាក់ផងដែរថា តំបន់កោះថ្ម X16 ត្រូវបានសាងសង់នូវសមិទ្ធផលជាច្រើនក្នុងអត្ថន័យ និងវត្ថុបំណង ចារទុកប្រវត្តិសាស្ត្រសម្រាប់មនុស្សគ្រប់ជំនាន់ ពិសេសអប់រំយុវជន និងមនុស្សជំនាន់ ក្រោយឲ្យបានដឹង និងចងចាំព្រឹត្តិការណ៍ជាប្រវត្តិសាស្ត្រ ដែលប្រទេសកម្ពុជាបាន ឆ្លងកាត់នូវសោកនាដកម្មដ៏ព្រៃផ្សៃ៕
