ប៉ុន្មានឆ្នាំចុងក្រោយនេះ មិនថានៅភូមិសាស្ត្ររាជធានីភ្នំពេញ ឬតំបន់ខ្លះទៀតជាប់នឹងស្ទឹងព្រែកត្នោត តែងរងការជន់លិចយ៉ាងធ្ងន់ធ្ងរ ពីទឹកហូរធ្លាក់ពីជួរភ្នំឱរ៉ាល់ ជួរភ្នំក្រវាញ និងដោយសារផ្ទៃរងទឹកភ្លៀងក្នុងភូមិសាស្ត្ររាជធានីភ្នំពេញ។
ហេតុដូច្នេះ ដើម្បីបញ្ឈប់ការលិចទឹកនៅទីក្រុងភ្នំពេញ រដ្ឋាភិបាលបានបញ្ចេញកញ្ចប់ថវិកាប្រមាណ ៣០០លានដុល្លារ កសាងប្រព័ន្ធធារាសាស្ត្ររំដោះ និងពង្វាងការជន់លិចចេញពីទីក្រុង។
សម្រាប់គម្រោងពង្វាងការជន់លិចចេញពីទីក្រុងនេះ រដ្ឋាភិបាលកំពុងសាងសង់៩គម្រោងធំៗ ដែលរួមមាន៖
- គម្រោងស្ទឹងតូច ជាគម្រោងបង្វែរទឹកមួយចំនួនធំចេញពីស្ទឹងព្រែកត្នោត ចូលទន្លេបាទី
- គម្រោងស្ទឹងក្រោមបាតី ជាគម្រោងបង្វែរទឹកមួយចំនួនចេញពីទន្លេបាទី ចូលទៅបឹងជើងលងប្រព័ន្
- ប្រឡាយជើងឯង មានមុខងាររំដោះទឹកផ្នែកខាងលិច-ត្បូងរាជធានីភ្នំពេញ
- ប្រឡាយ៩៦ រំដោះទឹកផ្នែកខាងលើព្រលានយន្តហោះថ្មី និងនាំទឹកចេញពីស្ទឹងព្រែកត្នោតត្រង់ម្តុំព្រែកហូរ ទទួលទឹកពីព្រែកកំពឹស
- ព្រែកគង់ នាំទឹកចេញពីប្រឡាយ៩៦ ម្តុំស្អាងភ្នំ តំបន់ស្អាង តំបន់កោះខែល ហូរចូលទៅដល់ព្រែកអំបិល
- ព្រែកពាមសត្ថា មានមុខងារនាំទឹកចេញពីបឹងតាមោក ចូលទៅទន្លេសាប ត្រង់ស្ពានពាមសត្ថាក្នុងស្រុកពញាឭ
- ប្រឡាយរលាំងជ្រៃ-ស្លាគូ គម្រោងនេះបង្វែរទឹកមួយផ្នែកចេញពីស្ទឹងព្រែកត្នោតដោះស្រាយក្នុងគោលដៅកាត់បន្ថយការជន់លិចរាជធានីភ្នំពេញ
- ប្រឡាយ៥៩ និង៩០ មានមុខងាររំដោះទឹក ផ្នែកខាងលើព្រលានយន្តហោះថ្មី និងរំដោះទឹកមួយផ្នែកចេញពីផ្លូវជាតិលេខ២
- អូរខ្សាច់ មុខងារបង្វែរទឹកមួយផ្នែកចេញពីស្ទឹងព្រែកត្នោត
