គម្រោងសាងសង់ស្ពានអាកាសភ្លោះនៅចំណុចប្រសព្វមហាវិថីសម្តេចតេជោ និងផ្លូវជាតិលេខ ២ តភ្ជាប់ទៅផ្លូវព្រលានយន្តហោះអន្តរជាតិតេជោ ត្រូវបានមន្ត្រីជានខ្ពស់នៃរាជរដ្ឋាភិបាល ចុះត្រួតពិនិត្យ និងសិក្សានៅទីតាំងដោយផ្ទាល់។
ការស្ថាបនាស្ពានអាកាសនេះ ធ្វើឡើងដើម្បីសម្រួលចរាចរត្រង់ចំណុចប្រសព្វនេះ ពិសេសគឺផ្លូវថ្មីដែលតភ្ជាប់ទៅកាន់ព្រលានយន្ដហោះអន្ដរជាតិតេជោ ដែលគ្រោងនឹងបើកដំណើរការនាដើមឆ្នាំ២០២៥ ខាងមុខ ខណៈបច្ចុប្បន្នគម្រោងនេះសម្រេចការសាងសង់បានប្រមាណ ៧៥.៨% ហើយគ្រោងនឹងចាប់ផ្តើមប្រតិបត្តិការ នៅឆមាសទី១ ឆ្នាំ២០២៥។
គម្រោងសាងសង់ស្ពាននេះ គឺជាគំនិតផ្តួចផ្តើម និងស្ថិតគ្រប់គ្រងដោយរដ្ឋបាលរាជធានីភ្នំពេញ មិនពាក់ព័ន្ធជាមួយនឹងក្រសួងសាធារណការនោះទេ។
តែយ៉ាងណាមិញ បើតាមអ្នកនាំពាក្យរដ្ឋបាលខេត្តកណ្តាល លោក ឌឹម បូរ៉ា បានឱ្យដឹងថា៖”ចំពោះដំណើរការសាងសង់ ខាងរដ្ឋបាលខេត្តមិនទាន់ទទួលបានព័តមានជាក់លាក់នៅឡើយទេ ដោយរង់ចាំការសិក្សាឱ្យបានច្បាស់លាស់ជាមុនសិន”៕
