ក្នុងថ្ងៃសម្ពោធវីដេអូចម្រៀង «ទេវរាជ» កាលពីល្ងាចថ្ងៃទី២៦ ខែឧសភា ជាថ្ងៃចងចាំដ៏ពិសេសមួយដែលមានការចូលរួមពីសិល្បករ សិល្បការិនី ទស្សនិកជាច្រើនជាមួយសម្លៀកបំពាក់ប្រពៃណីស្រុះដៃគ្នាយ៉ាងខ្លាំង។ យ៉ាងណាមិញ ទស្សនិកជនកំពុងសម្តែងក្តីត្រេកអរនិងបង្ហាញអារម្មណ៍មានមោទនភាពទៅកាន់តារាចម្រៀង ទេព បូព្រឹក្ស និង ជី ដេវីត ស្រាប់តែ ម៉ៃសុគន្ធ ចេញមកទើសទាល់ក្នុងកម្មវិធីត្រឹមគ្មានទឹកសុទ្ធផឹកទៅវិញ ជាហេតុធ្វើឱ្យអ្នកគាំទ្ររិះគន់ ម៉ៃ សុគន្ធ វិញព្រមទាំងបោះសម្តីថា បុគ្គលរូបនេះជាសត្វត្មាតមិនបានជួយអ្វីក្រៅពីឆ្លៀតឱកាសទាញភាពល្បីទៅផ្សាយល្បែង។
មៃ សុគន្ធ បានបង្ហោះសំណេរមួយថា «ពិតជាទេវរាជ មែននាគហើរពេញស្លាយ អ្នកចូលរួមរកតែទឹកសុទ្ធមួយដបផឹកមិនបាន ហែងស្រេកទឹក តាមតែម៉ែហែងទៅ ទៅផឹកទឹកណាផឹកទឹកទៅព្រោះនាគកំពុងហោះ»។ ពាក្យសម្តីរិះគន់ដោយទាំងពាក្យមិនសមរម្យរបស់ ម៉ៃ សុគន្ធ បានធ្វើឱ្យអ្នកលេងបណ្តាញសង្គមចូលទៅខម្មិនការបង្ហោះដោយមានអ្នកខ្លះបានមេនសិនស្នងការដ្ឋាននគរបាលរាជធានីភ្នំពេញ អ្នកខ្លះបានថាដល់ពេលលេបថ្នាំហើយ រួមទាំងមតិដទៃទៀតថាមួយស្រុកមានមួយមិនច្រឡំគេមែន។
ការបង្ហោះរបស់ ម៉ៃ សុគន្ធ បានជំរុញចិត្តផេកគាំទ្ររបស់តារាចម្រៀង ជី ដេវីត បោះសម្តីទៅវិញថា បុគ្គលនេះជាសត្វត្មាតចង្រៃគ្មានជួយអ្វីបានក្រៅពី ឆ្លៀតឱកាស ទាញភាពល្បីល្បាញយកទៅផ្សាយល្បែងស៊ីសងខុសច្បាប់! ជនថោកទាបដោយដាក់អក្សរកាត់ថា ម.ស.គ។
បន្ថែមពីខ្លឹមសារនេះអ្នកគាំទ្រក៏បានលើកឡើងដែរថា ហ៊ានប្រមាថកម្មវិធីទស្សនីយវប្បធម៌ ព្រោះអត់ទឹកឱ្យផឹក ។ ម.ស.គ គ្រាន់តែជាមេរោគសង្គមដែលនៅមានមនុស្សមួយពួកចាំគាំទ្រតែប៉ុណ្ណោះ បុគ្គលនេះថោកទាបឆ្លៀតឱកាស ទាញយកភាពល្បីល្បាញគ្រប់ព្រឹត្តិការណ៍ ដើម្បីប្រើប្រាស់ឈ្មោះយកទៅផ្សព្វផ្សាយរឿងបំពុលសង្គម។
Admin របស់ផេក ditwayforeverឆ្លើយតបទៅកាន់ ម៉ៃ សុគន្ធ ក្នុងនាមជាទស្សនិកជនមួយរូប ដែលបានអញ្ជើញទៅចូលរួមកម្មវិធីនេះដូចគ្នា ការពិតជាក់ស្តែងមិនបំពាន ជាទូទៅក្នុងសាលសម្តែងគេមិនអនុញ្ញាតិអោយយក ម្ហូបអាហារ ឬ ភេសជ្ជៈគ្រប់ប្រភេទចូលទៅក្នុងសាលសម្តែងនោះទេ លើកលែងតែ ផែនគណៈអធិបតី ដែលបានអញ្ជើញជាកិត្តិយស ទើបមានការរៀបចំជាភេសជ្ជៈនៅតាមកៅអីនីមួយៗ ដោយមានការរៀបចំពី ក្រុមពិធីការ ដើម្បីធានាអោឱ្យបានទៅលើការគ្រប់គ្រងអនាម័យ និងសណ្តាប់ធ្នាប់ ដល់សាលសម្តែងទាំងមូល។ ដូច្នេះ សម្រាប់ ទស្សនិកជន ដែលមិនស្ថិតក្នុង ផែនគណៈអធិបតី បងប្អូនអាចមានសិទ្ធិក្នុងការចេញចូលសាលសម្តែងដោយសេរី ដើម្បីសម្រួលឥរិយាបថ ឬស្វែងរកស្តង់លក់ភេសជ្ជៈដើម្បីទទួលទាន ដែលមាននៅផ្នែកខាងក្រៅនៃសាលសម្តែង»។
ផេកដដែលបានបញ្ជាក់ទៅកាន់ ម៉ៃ សុគន្ធ ថែមទៀតថាគួរសិក្សាស្វែងយល់បន្ថែមពីកិច្ចការងារនេះជាមុនសិន មុនពោលពាក្យមុសា ប្រមាថដល់ព្រឹត្តិការណ៍មួយនេះ បើតាំងចិត្តមុសាដោយភាពអាត្មានិយមបែបនេះ សូមេត្តា គិតគូរដល់ ក្រុមការងារគ្រប់ផ្នែក រួមទាំង លោកគ្រូអ្នកគ្រូសាស្ត្រាចារ្យ សិល្បករ សិល្បការិនី នាថការីរបាំ ក្រុមគុនល្បុកតោ គុនខ្មែរ និង អ្នកស្ម័គ្រចិត្តច្រើនផ្នែកផ្សេងទៀត ប្រមាណសរុបមានជាង ៤០០ នាក់ ដែលពួកគាត់គ្រប់គ្នាបានលះបង់អស់កម្លាំងកាយចិត្ត ដើម្បីសម្រេចសមិទ្ធផលរួមមួយនេះឡើងមក គ្រប់យ៉ាងគឺដើម្បីសាងកេរ្តិ៍ឈ្មោះល្អៗដល់ដែនដីមួយ៕
