តារាសម្ដែងចិន Feng Shaofeng ដែលជាអតីតស្វាមីរបស់តារាសម្ដែងល្បីឈ្មោះ Zhao Liying ត្រូវបានគេប្រទះឃើញមកយកនារីពីរនាក់ ហើយបាននាំពួកគេទៅលំនៅដ្ឋានរបស់លោកមួយយប់។ របាយការណ៍ពី Sinchew បានបង្ហាញថាមានអ្នកបានថតរូបអ្នកបើកឡានរបស់ Feng យកស្ត្រីពីរនាក់កំពុងធ្វើដំណើរទៅកាន់បារមួយកន្លែងដែល Feng និងមិត្តភក្តិរបស់ខ្លួនបានណាត់ញ៉ាំអាហារពេលល្ងាចជាមួយគ្នាកាលពីចុងខែមេសា។ ក្រោយការប្រមូលផ្តុំគ្នា គេឃើញស្ត្រីទាំងនេះចូលក្នុងរថយន្តរបស់ Feng បន្ទាប់មកបានបន្តទៅផ្ទះតារាសម្ដែងរូបនេះ។
នៅថ្ងៃបន្ទាប់ Feng បានចាកចេញពីផ្ទះរបស់លោកតែម្នាក់ឯងទៅជួបមិត្តភក្តិ ចំណែកស្ត្រីពីរនាក់ដែលលោកបាននាំមកផ្ទះមិនបានចាកចេញនោះទេរហូតដល់ល្ងាច។ ក្រោយមកនៅពេលយប់ ស្ត្រីម្នាក់ក្នុងចំណោមស្ត្រីនោះបានត្រឡប់ទៅលំនៅដ្ឋានរបស់តារាសម្តែងរូបនេះវិញ។ យ៉ាងណាមិញ ស្ទូឌីយ៉ូរបស់តារាសម្តែងរូបនេះបានបដិសេធរឿងអាស្រូវនេះថាកុំបង្កើតរឿងឱ្យលោក។
Feng អាយុ ៤៦ឆ្នាំគឺជាអតីតនិស្សិតនៃសាលា Shanghai Theatre Academy ហើយបានចូលប្រឡូកក្នុងវិស័យសម្តែងក្នុងឆ្នាំ ១៩៩៨ ។ លោកទទួលបានការទទួលស្គាល់យ៉ាងទូលំទូលាយបន្ទាប់ពីតួនាទីរបស់ខ្លួននៅក្នុងរឿងភាគទូរទស្សន៍ឆ្នាំ ២០១១ ចំណងជើងថា «Palace» ។ លោកបានរៀបការជាមួយ Zhao Liying ក្នុងឆ្នាំ២០១៨ ។ ប្តីប្រពន្ធនេះបានប្រកាសលែងលះគ្នាជាសាធារណៈនៅឆ្នាំ ២០២១។ ចាប់តាំងពីការបែកគ្នារបស់ពួកគេមក កូនប្រុសរបស់ពួកគេបានស្ថិតនៅក្រោមការមើលថែរបស់គ្រួសារខាងអតីតស្វាមី៕
