ស្រីស្អាត ឡូរីន សង្សារកំពូលតារាចម្រៀងរ៉េប វណ្ណដា ត្រូវបានសាធារណជនចាប់អារម្មណ៍ថាលេងខ្លួនស៊ិ.ចស៊ីបញ្ចេញដើមទ្រូងដ៏ស្រស់ស្អាតបង្អួតហ្វេននារយៈពេលចុងក្រោយនេះ។ ដ្បិតថាចូលចិត្តនិយមលេងខ្លួនស៊ិចស៊ីតាមបែបសម័យថ្មីក្តីតែ ឡូរីន បានធ្វើឱ្យមានការចាប់អារម្មណ៍ជាថ្មីម្តងទៀតក្នុងសំលៀកបំពាក់បុរាណខ្មែរបែបប្រពៃណីវិញម្តង ខណៈក៏ត្រៀមខ្លួនចូលរួមបង្កើតវីដេអូបង្ហាញពីវប្បធម៌ខ្មែរដូចសិល្បការិនីជាច្រើនរូបទៀតផងដែរ។
នៅថ្ងៃទី៨ ឧសភា នេះនៅលើផេក ឡូរីន បានបង្ហោះរូបក្នុងសំលៀកបំពាក់បុរាណខ្មែរជាច្រើនសន្លឹកទទួលបានការចាប់អារម្មណ៍យ៉ាងខ្លាំងពីមហាជន ខណៈរូបភាពខ្លះនាងលេងស្ទីលបែបទឹកមុខកាច។ រូបភាពរបស់សង្សារតារាល្បីឈ្មោះក្នុងឈុតប្រពៃណីខ្មែរ ត្រូវបានហ្វេនៗសរសើរមិនដាច់ពីមាត់ថា មើលជ្រុងណាក៏ឃើញស្អាត ទោះមានវីដេអូបង្ហាញមុខធម្មតាមុនការ Make Up ឡូរីន នៅតែស្រស់ស្អាតដដែល។.png)
ការតុបតែងបុរាណបែបប្រពៃណីរបស់ ឡូរីន នេះដែរគឺនាងបានចូលរួមលើកតម្កើនវប្បធម៌ខ្មែរតបការស្នើសុំរបស់អ្នកគាំទ្រដែលចង់ឃើញនាងចូលរួមបង្កើតវីដេអូដូចជាសិល្បការិនីជាច្រើនរូបដែលបានបង្ហាញពី Khmer Make Up Trend ល្បីផ្ទុះកក្រើកដល់ថ្នាក់ដឹកនាំប្រទេសបង្ហាញអារម្មណ៍មានមោទនភាពចំពោះសិល្បករ សិល្បការិនី និងយុវជនខ្មែររួមគ្នាលើកស្ទួយសម្បត្តិវប្បធម៌ខ្មែរ។
រូបភាពរបស់ ឡូរីន ក្នុងឈុតបុរាណនេះក៏ឆ្លុះបញ្ចាំងឱ្យឃើញថាដ្បិតតែនាងជាយុវវ័យសម័យថ្មីតុបតែងខ្លួនបែបស៊ិចស៊ីក្តីប៉ុន្តែនាងក៏មិនភ្លេចពីវប្បធម៌បុរាណខ្មែរដូចគ្នាដែលអាចនិយាយបានថា សម័យមិនយឺតបុរាណមិនចោល។.png)
ក្រៅពីមានរូបសម្រស់ស្រស់ស្អាត ឡូរីន ដែលមានឈ្មោះពិតថា កញ្ចនា ជានារីម្នាក់ដែលប៉ិនប្រសប់ធ្វើម្ហូបឱ្យតែ វណ្ណដា ជាសង្សារចង់ហូបអ្វីគឺនាងតែងតែបំពេញបំណងគូស្នេហ៍ជានិច្ច៕
