ពានរង្វាន់ Baeksang Arts Awards លើកទី ៦០ ជាកម្មវិធីបង្ហាញពីស្នាដៃដ៏អស្ចារ្យបំផុតប្រចាំឆ្នាំក្នុងវិស័យទូរទស្សន៍ ភាពយន្ត និងល្ខោន ដែលរៀបចំឡើងនៅថ្ងៃទី៧ ខែឧសភា ធ្វើឡើងនៅក្នុងទីក្រុងសេអ៊ូលបានរកឃើញម្ចាស់ពានរង្វាន់ហើយ ខណៈភាពយន្ត Exhuma ឬ ផ្នូរបិសាច ដណ្តើមបានពានចំនួន៤ក្នុងចំណោមពាន៨ដែលភាពយន្តនេះបានឈរឈ្មោះ។ 
តារាសម្តែង Kim Go Eun បានឈ្នះពានរង្វាន់ជាតារាសម្ដែងឆ្នើមសម្រាប់រឿង «Exhuma»។ ចំណែកឯ Lee Do Hyun វិញក៏បានឈ្នះពានតារាសម្ដែងថ្មីល្អបំផុតសម្រាប់ការសម្ដែងរបស់ខ្លួននៅក្នុងរឿងនេះដូចគ្នា។ ខណៈដែលអ្នកដឹកនាំរឿង «Exhuma» Jang Jae Hyun បានឈ្នះពានសម្រាប់អ្នកដឹកនាំល្អបំផុត។ ហើយពានរង្វាន់ Best Art Direction គឺបានទៅលើ Kim Byung-hee។
កម្មវិធីនេះមានតារាល្បីៗជាច្រើនរូបចូលរួម ហើយសិល្បករ សិល្បការិនីផ្សេងទៀតក៏បានឈ្នះពានសម្រាប់ភាពយន្ត រឿងភាគទូរទស្សន៍ និងកម្មវិធីផ្សេងទៀតផងដែរ។ ចំណែកឯតារាសម្តែង Kim Soo Hyun ទទួលបានពាន Popularity Award នៅឆ្នាំនេះ។.png)
គួរបញ្ជាក់ថា តារាសម្តែង Song Joong Ki និងអតីតភរិយា Song Hye Kyo រួមជាមួយ តារាស្រី Lim Ji yeon គូស្នេហ៍ Lee Do Hyun ធ្វើឱ្យមានការចាប់អារម្មណ៍យ៉ាងខ្លាំងនៅក្នុងកម្មវិធីប្រគល់ពានរង្វាន់នេះ៕
