ប្រទេសចិន ៖ រីសតលំដាប់ផ្កាយ៥ មួយកន្លែងនៅខេត្ត Heilongjiang ប្រទេសចិន បានកែច្នៃអាងទឹកដ៏ធំមួយធ្វើជាឆ្នាំងភ្លើងទឹកស៊ុបក្តៅៗ ដោយការដាក់គ្រឿងផ្សំជាច្រើនមុខចូលក្នុងអាងទឹកនេះ ដូចជា ៖ ម្ទេសប្លោក, ក្រូចឆ្មា, ដំឡូងបារាំង និងក្តាមសមុទ្រ ដើម្បីឱ្យអ្នកមកងូតទឹកក្នុងអាងមានអារម្មណ៍ថា ពួកគេកំពុងស្ថិតនៅក្នុងឆ្នាំងភ្លើងពិតៗ ។.jpg)
អាងទឹករៀបចំឡើងជាលក្ខណៈឆ្នាំងភ្លើងនេះ បានទាក់ទាញចំណាប់អារម្មណ៍ភ្ញៀវទេសចរចិន និងបរទេសជាច្រើននាក់ឱ្យមកកម្សាន្តនៅរីសតមួយកន្លែងនេះ ដែលគេដាក់ឈ្មោះថា «អាងទឹកក្តៅ» ។ បុគ្គលិកធ្វើការក្នុងរីសតលំដាប់ផ្កាយ៥ និយាយថា រីសតនេះឈ្មោះ «Maple Leaf Village Hot Spring Resort» ហើយដោយសារការច្នៃប្រឌិតអាងលទឹកឱ្យក្លាយជាឆ្នាំងភ្លើង បានធ្វើឱ្យរីសតទទួលបានភ្ញៀវមកកម្សាន្តយ៉ាងច្រើនក្នុង១ថ្ងៃៗ ។.jpg)
Maple Leaf Village Hot Spring Resort គឺជារីសតអាងទឹកក្តៅ ដែលមានទីតាំងស្ថិតនៅទីក្រុង Harbin ខេត្ត Heilongjiang ប្រទេសចិន ។ រីសតនេះបានល្បីល្បាញយ៉ាងខ្លាំងនៅក្នុងបណ្តាញសង្គមចិន ដោយសារតែការកែច្នៃអាងទឹកឱ្យក្លាយជាឆ្នាំងភ្លើងធំមួយ ដែលពោរពេញទៅដោយបន្លែបង្ការជាច្រើនមុខ រួមទាំងគ្រឿងសមុទ្រផងដែរ ។ វាបានធ្វើឱ្យអ្នកមកងូតទឹកក្នុងអាងនេះមានអារម្មណ៍ថា ពួកគេកំពុងស្ថិតក្នុងទឹកស៊ុបក្តៅៗ និងធ្វើឱ្យរាងកាយស្រស់ស្រាយ ។
អាងងូតទឹកក្តៅក្នុងរីសតនេះបានរៀបចំឡើងជាលក្ខណៈឆ្នាំងភ្លើងចំនួន២ផ្នែក គឺនៅផ្នែកម្ខាងនៃអាង គេបានរៀបចំជាឆ្នាំងស៊ុបមានរសជាតិហឹរ និងក្តៅ ខណៈផ្នែកម្ខាងទៀតបានរៀបចំឡើងជាឆ្នាំងស៊ុបទឹកដោះគោ ។ លើសពីនេះ បុគ្គលិករីសតក៏បានយកគ្រឿងផ្សំ និងបន្លែផ្សេងៗមកដាក់ក្នុងឆ្នាំងស៊ុបដ៏ធំនេះផងដែរ ដូចជា ៖ ម្ទេសប្លោក, ដំឡូងបារាំង, ក្រូចឆ្មារ, ពុទ្រាចិន និងដាក់ក្តាមសមុទ្រទៀតផង ។.jpg)
វីដេអូអាងលទឹករៀបចំឡើងជាលក្ខណៈឆ្នាំងភ្លើងនេះ បានល្បីល្បាញយ៉ាងខ្លាំងក្នុងបណ្តាញសង្គមប្រទេសចិន ហើយមានពលរដ្ឋចិនជាច្រើននាក់ចូលមកបញ្ចេញមតិ ក្នុងនោះពលរដ្ឋចិនម្នាក់និយាយថា ៖ «គ្រាន់តែឃើញទឹកស៊ុបមាន២រសជាតិ ខ្ញុំមានអារម្មណ៍ឆ្ងាញ់ណាស់» ។ ពលរដ្ឋចិនម្នាក់ទៀតនិយាយថា ៖ «អាងលទឹកនេះបានក្លាយជាឆ្នាំងភ្លើងដាក់ម្ទេសហឹរៗ» ។ រីឯពលរដ្ឋចិនម្នាក់ទៀតសួរថា ៖ «តើមានអ្នកសាកល្បងបរិភោគបន្លែ និងគ្រឿងសមុទ្រក្នុងឆ្នាំងភ្លើងនេះដែរឬទេ?» ៕
