ស្នងការខេត្តកំពតកោះហៅអ្នកផលិតមាតិកាម្នាក់ ក្រោយបង្ហោះរូបលេងសើចជ្រុលលើរូបសំណាកសេះសមុទ្រ

ក្រោយពីការបង្ហោះរបស់អ្នកផលិតមាតិកា SANTA KH ជុំវិញការថតរូបលេងសើចជ្រុលជ្រោះលើរូបសំណាកសេះសមុទ្រ ដោយបានរងនៅមតិរិះគន់ជាច្រើន ពីសំណាកមហាជនអ្នកលេងបណ្តាញសង្គម ស្នងការខេត្តកំពតក៏បានកោះហៅអ្នកផលិតមាតិការូបនេះ ចូលខ្លួនមកបកស្រាយនៅស្នងការខេត្តក្នុងថ្ងៃនេះ។

បើតាមទំព័រផ្លូវការរបស់ស្នងការខេត្តកំពត បានឱ្យដឹងថា៖”ស្នងការដ្ឋាននគរបាលខេត្តកំពត សូមអញ្ជើញលោក SantaKH ឈ្មោះប្រើប្រាស់ក្នុង Facebook មកស្នងការដ្ឋាននៅវេលាថ្ងៃស្អែក 26.04.24 នេះដើម្បីពិភាក្សារការងារចាំបាច់មួយចំនួន”។

ក្រោយមករំលងបានប្រហែល៣០នាទី ស្នងការខេត្តកំពត ក៏បានបង្ហោះសារម្តងទៀតដោយលើកឡើងថា៖”លោក SantaKH នឹងឡើងមកជួបខ្ញុំល្ងាចនេះនៅស្នងការដ្ឋាននគរបាលខេត្តកំពត សូមអរគុណចំពោះការឆ្លើយតប 25.04.24″។

ជុំវិញករណីនេះ តើថា ស្នងការខេត្តកំពត មានចំណាត់ការយ៉ាងទីនោះ យើងមានតែរងចាំមើលលទ្ធផល នៅក្នុងជំនួបល្ងាចនេះរវាងស្នងការ និងអ្នកផលិតមាតិកា SANTA KH តែប៉ុណ្ណោះ៕