តាមជំនឿរបស់ចាស់ៗបុរាណ ការយល់សុបិនឃើញថា «បាក់ធ្មេញ» អាចជាដំណឹងនៃការកើតរឿងអាក្រក់ចំពោះខ្លួនឯងនិងមនុស្សជុំវិញខ្លួន ជាពិសេសគឺសាច់ញាតិនិងមនុស្សជាទីស្រលាញ់ ក្នុងពេលឆាប់ៗនេះជាក់ជាមិនខាន។ ទោះជាយ៉ាងណា តាមតម្រាសុបិន ការដែលយល់សប្តិថាបាក់ធ្មេញនេះមិនមែនជាការអាក្រក់ទាំងអស់នោះទេ វាអាចជាសញ្ញាប្រាប់ថានឹងរឿងល្អៗក្នុងឆាកជីវិតទៅវិញក៏ថាបាន។
១ សុបិនថាដកធ្មេញខ្លួនឯង៖ វាជាសញ្ញាបញ្ជាក់ថា សាច់ញាតិដែលនៅឆ្ងាយរបស់អ្នកអាចនឹងឈឺថ្កាត់ ឬជួបគ្រោះដែលអាចបណ្តាលលឲ្យបាត់បង់ជីវិត។ ហើយចំពោះខ្លួនឯងវិញ ប្រសិនបើកំពុងជំពាក់បំណុលគេ គឺត្រូវតែប្រយ័ត្នចំពោះការចាយវាយផងដែរ។
២ សុបិន្តឃើញបាក់ធ្មេញមុខ ៖ អ្នកអាចនឹងបាត់បង់របស់ដែលជាទីស្រលាញ់ និងសូម្បីតែមនុស្សជាទីស្រលាញ់។
៣.សុបិនបាក់ធ្មេញខាងលើ៖ ជាសញ្ញានៃការប្រុងប្រយ័ត្ន ជាពិសេសពាក្យពេចន៍ដែលនិយាយចេញមក ព្រោះថានឹងអាចមានទំនាស់ពាក្យសម្តី សូម្បីតែមនុស្សស្គាល់ចិត្តអ្នកបំផុត។
៤ សុបិនបាក់ធ្មេញក្រោម៖ ជារឿងល្អ ព្រោះអ្នកអាចនឹងបានលាភសំណាង និងកេរ្តិ៍ឈ្មោះល្អពីការងារ។ បន្ថែមពីនេះ អ្នកក៏អាចត្រូវរ៉ូវគ្នាវិញជាមួយគូរស្នេហ៍ ឬគូរជម្លោះពីមុនមក។
៥.សុបិនឃើញបាក់ធ្មេញថ្គាម៖ ជាសញ្ញាដ៏ល្អ ព្រោះអ្នកអាចនឹងទទួលបានលាភសំណាង ឬអ្នកអាចជួបអ្នកស្គាល់គ្នា ដែលបែកគ្នា ខានឃើញគ្នាយូរមកហើយ។
៦ សុបិនថាបាក់ធ្មេញ១៖ អ្នកនឹងជួបតែរឿងល្អៗ ទាំងស្នេហា ការងារនិងរឿងលុយកាក់។ ចំពោះអ្នកនៅលីវនឹងដល់គូរ អ្នកធ្វើការនឹងឡើងតំណែង អ្នករកស៊ីទទួលបានប្រាក់ចំណេញដ៏កាក់កប។
៧.សុបិនថាបាក់ធ្មេញជាច្រើន៖ ជាការឲ្យហេតុដែលអ្នកគួរតែប្រុងប្រយ័ត្នខ្ពស់ប្រសិនបើអ្នកកំពុងធ្វើដំណើរផ្លូវឆ្ងាយឬមានដំណើរកម្សាន្ត។ ម៉្យាងវិញទៀត អ្នកក៏អាចត្រូវបាននរណាម្នាក់និយាយបង្កាច់បង្ខូច។
៨.សុបិនឃើញធ្មេញរង្គើ៖ ក្នុងអំឡុងពេលនេះ អ្នកអាចនឹងមានសំណាង។ យ៉ាងណាមិញ គឺគួររស់នៅដោយប្រុងប្រយ័ត្ន ព្រោះអាចមានរបួសដោយយថាហេតុឬមានជំងឺផងដែរ៕