គង់ ចាន់ស្រីមុំ សប្បាយចូលឆ្នាំថ្មីតែក៏រងនូវមតិរិះគន់ទក់សាច់ ខណៈក៏មានការលើកឡើងបែបនេះ

អ្នកនាង គង់ ចាន់ស្រីមុំ បន្ទាប់ពីវះកាត់ដើមទ្រូងយកហុងស៊ុយរួចក្នុងថ្ងៃចូលឆ្នាំខ្មែរត្រូវរងនូវមតិរិះគន់ចាស់ដៃរហូតត្រូវលុបរូបភាពមួយចំនួនដែលបង្ហោះក្នុងដំណើរទេសចរណ៍នៅប្រទេសថៃ។ ទោះជាយ៉ាងណា ទន្ទឹមនឹងមតិរិះគន់ភ្លូកទឹកភ្លូកដីគេសង្កេតឃើញថាតារាចម្រៀង ពេជ្រ សូលីកា បង្ហាញការឈឺឆ្អាលរបស់ខ្លួនទៅលើរឿងនេះ។ ចំណែកឯផេកគាំទ្រវិស័យបវរកញ្ញាមួយក៏លើកឡើងពីគុណសម្បតិ្តរបស់ គង់ ចាន់ស្រីមុំ ដូចគ្នាព្រោះនាងក៏បានជួយផ្សព្វផ្សាយពីតំបន់ទេសរណ៍ខ្មែរដូចគ្នារួមទាំងអំពើសប្បុរសនានាជាច្រើន។

ពិធីការិនីកម្មវិធី 3fun អ្នកនាងគង់ ចាន់ស្រីមុំ ត្រូវរងនូវមតិរិះគន់ខ្លាំងក្លាសាជាថ្មីក្នុងថ្ងៃចូលឆ្នាំខ្មែរ បន្ទាប់ពីបង្ហោះរូបភាពនៅលើបណ្តាញសង្គមបង្ហាញពីទីតាំងនៅប្រទេសថៃក្នុងថ្ងៃសង្ក្រាន្ត ចំកាលៈទេសៈមិនអំណោយផលព្រោះដោយហេតុផលថាប្រទេសទាំងពីរមានកម្មវិធីចូលឆ្នាំចំថ្ងៃតែមួយស្របពេលសង្ក្រាន្តថៃបានចុះក្នុងបញ្ជីបេតិកភណ្ឌវប្បធម៌អរូបីដែលទង្វើរបស់ គង់ ចាន់ស្រីមុំ ត្រូវសាធារណជនចាត់ទុកថាដូចជាអបអរសាទរឱ្យប្រទេសគេ។ ផ្ទុះការរិះគន់ពេញបណ្តាញសង្គម គង់ ចាន់ស្រីមុំ បានសម្រេសចិត្តលុបរូបភាពមួយចំនួនរបស់ខ្លួនក្នុងដំណើរកម្សាន្តរបស់ខ្លួនដែលបង្ហាញទីតាំងប្រទេសថៃ។

អ្វីដែលកាន់តែធ្វើឱ្យសាធារណជនមានការខឹងសម្បារកាន់តែខ្លាំង អ្នកខ្លះក៏ប្លុក អ្នកខ្លះទៀតស្នើឱ្យកម្មវិធី 3Fun ដករូបនាងចេញពីកម្មវិធីដោយសារតែមានជនជាតិថៃបង្ហោះសើចចំអកមកឱ្យកម្ពុជា។ ទោះយ៉ាងណា បន្ទាប់ពីវិលត្រលប់មកដល់ខ្មែរភ្លាមមិនបង្អង់យូរ តារាស្រីរូបនេះបានបង្ហាញសកម្មភាពចូលរួមកម្មវិធីសប្បាយៗនៅឯរមណីយដ្ឋានវត្តភ្នំវិញម្តងដោយមិនបានតបតជាមួយការិះគន់នោះរបស់មហាជននោះទេ។
ការរិះគន់ភ្លូកទឹកភ្លូកដីទៅកាន់ គង់ ចាន់ស្រីមុំ ងាកទៅកាន់តារាចម្រៀង ពេជ្រ សូលីកា បានបង្ហាញការយល់ឃើញរបស់ខ្លួនថាកុំឱ្យមានការជេរ ដោយនិយាយថាមានរឿងអីគួរនិយាយស្រួលបួលរហូតនាងក៏ត្រូវអ្នកលេងបណ្តាញសង្គមស៊ែរថានាងភ្លាវ ខណៈការលើកឡើងរបស់ ពេជ្រ សូលីកា ក៏ត្រូវបានបាត់ចេញពីបណ្តាញសង្គមដូចគ្នា។

ចំណែកឯផេកគាំទ្របវរកញ្ញាមួយឈ្មោះថា «Beauty Pageant Reviewer» បានលើកឡើងពីគុណសម្បត្តិរបស់ គង់ ចាន់ ស្រីមុំ មិនមែនតារាស្រីរូបនេះថតផ្សព្វផ្សាយតែប្រទេសថៃនោះទេ ប៉ុន្តែរូបនាងក៏បានផ្សព្វផ្សាយពីតំបន់ទេសចរណ៍ជាច្រើនរបស់កម្ពុជាដូចគ្នា គ្រាន់តែការផ្សព្វផ្សាយរបស់តំបន់ទេសចរណ៍ក្នុងស្រុកមិនសូវមានអ្នកចែករំលែក។ ផេកដដែលក៏បានលើកឡើងពីគុណសម្បត្តិ គង់ ចាន់ស្រីមុំ ក៏ធ្លាប់ចូលរួមធ្វើមាតិកា ដែលទាក់ទងទៅនឹងសង្គម ក៏ដូចជាចូលរួមផ្សព្វផ្សាយវប្បធម៌ ជួយអ្នកក្រខ្សត់ លក់សំលៀកបំពាក់ផ្ទាល់ខ្លួនដើម្បីយកលុយធ្វើសប្បុរសធម៌ជារៀងរាល់ឆ្នាំផងដែរ។

គេចាំបានថា កាលពីឆ្នាំ២០២២ គង់ ស្រីមុំ ក៏ធ្លាប់ត្រូវបានមហាជនរិះគន់ផ្អើលប្រទេស រួមដៃគ្នាបានប្រើពាក្យអសុរោះ ទៅលើព្រះអង្គម្ចាស់ព្រុយណេ អាប់ឌុល ម៉ាទីន បន្ទាប់ពីចេញសំណេរសូមទោសរួចរឿងរ៉ាវមិនទាំងស្ងប់ស្ងាត់ផង គង់ ចាន់ស្រីមុំ បង្ហោះរូបភាពស្អាតៗយ៉ាងសប្បាយរីករាយទៅវិញរហូតមានមតិរិះគន់បន្ថែមទៀតហើយនាងបានលុបរូបភាពនោះវិញ៕