នៅថ្ងៃទី៨ ខែមេសា មានការប្រកាសថារឿងភាគដ៏ពេញនិយមរបស់ទូរទស្សន៍ tvN មានចំណងជើងថា «Queen of Tears» ដែលសម្តែងដោយ Kim Soo Hyun និង Kim Ji Won ត្រូវបានកំណត់ឱ្យអ្នកគាំទ្ររីករាយជាមួយនឹងវគ្គពិសេសចំនួនពីរភាគ។
ព័ត៌មានលម្អិតទាក់ទងនឹងទម្រង់ និងការបង្ហាញខ្លួនរបស់តួអង្គសំខាន់សម្រាប់រឿង «Queen of Tears»ពិសេសកំពុងស្ថិតក្នុងការពិភាក្សា។ ខុសពីរឿងភាគធម្មតា វគ្គពិសេសទាំងនេះមានគោលបំណងផ្តល់ជូនអ្នកទស្សនានូវបទពិសោធន៍ពិសេសមួយ ដោយលើកយកភាពល្បីល្បាញកាន់តែខ្លាំងឡើងរបស់រឿង។ ខណៈគ្រោងនឹងចាក់ផ្សាយនៅថ្ងៃទី៤ និងទី ៥ ខែឧសភា បន្ទាប់ពីភាគចុងក្រោយនៅថ្ងៃទី ២៨ ខែមេសា ។
ប្រភពដដែលបានឱ្យដឹងទៀតថា វគ្កពិសេស «Queen of Tears» សន្យាថានឹងផ្តល់នូវការសន្និដ្ឋានសមស្របទៅនឹងការនិទានរឿងដែលគួរឱ្យចាប់អារម្មណ៍។ ការប្រកាសបន្ថែមទាក់ទងនឹងវគ្គពិសេសនឹងត្រូវធ្វើឡើងដោយ tvN នៅពេលកំណត់។
រឿងភាគ «Queen of Tears» រៀបរាប់ពីដំណើរដ៏ច្របូកច្របល់នៃស្នេហារវាង Hong Hae In សម្តែងដោយ Kim Ji Won និង Baek Hyun Woo សម្តែងដោយ Kim Soo Hyun ដែលបង្ហាញពីបញ្ហាប្រឈម និងភាពជោគជ័យនៃទំនាក់ទំនងរបស់ពួកគេ។ ចាប់តាំងពីការចាក់បញ្ចាំងលើកដំបូងនៅថ្ងៃទី៩ ខែមីនា រឿងនេះបានទាក់ទាញអ្នកទស្សនាយ៉ាងច្រើនដោយភាគទី ១០ ទទួលបានអត្រាអ្នកទស្សនាគួរឱ្យកត់សម្គាល់រហូតដល់ ១៩.០% ។
ជាមួយនឹងការវាយតម្លៃដ៏គួរឱ្យចាប់អារម្មណ៍ «Queen of Tears» បានក្លាយជារឿងមួយក្នុងចំណោមរឿងភាគចាក់បញ្ចាំងថ្ងៃសៅរ៍-អាទិត្យដែលមានការវាយតម្លៃខ្ពស់បំផុតរបស់ tvN ដោយតាមពីក្រោយរឿង «Crash Landing on You»ដែលជារឿងដ៏ល្បីល្បាញ។ នៅពេលដែលការរំពឹងទុកកើនឡើង អ្នកទស្សនាកំពុងរង់ចាំដោយអន្ទះសារដើម្បីមើលថាតើ «Queen of Tears» នឹងលើសពីជោគជ័យបំបែកកំណត់ត្រារបស់អ្នកកាន់តំណែងមុន និងទទួលបានកន្លែងនៅក្នុងប្រវត្តិសាស្ត្រទូរទស្សន៍ដែរឬទេ៕