តារាសម្តែង Ma Dong Seok ហៅប្រូម៉ាប់ ប្រកាសនឹងរៀបការជាមួយតារាម៉ូដែលម្នាក់ដែលមានវ័យខុសគ្នា១៧ឆ្នាំ

Ma Dong Deok សមាជិក Marvel ដែលសាធារណជននិយមហៅថា ប្រូម៉ាប់ បានប្រកាសការរៀបការដ៏ភ្ញាក់ផ្អើលជាមួយសិស្សប្អូនក្នុងជួរសិល្បៈជាតារាម៉ូដែលស្រស់ស្អាតម្នាក់គឺ Ye Jung-hwa ដែលអ្នកទាំងពីរមានគម្លាតអាយុពីគ្នា១៧ ឆ្នាំ។ មែនទែនទៅអ្នកទាំងពីរបានចុះសំបុត្រអាពាហ៍ពិពាហ៍ស្របច្បាប់ហើយប៉ុន្តែមិនទាន់បានរៀបចំពិធីមង្គលការដោយសារតែពេលនោះមានវិបត្តិកូវីតវាយលុក។

នៅថ្ងៃទី៨ ខែមេសាអ្នកតំណាងមកពីក្រុមហ៊ុន Ma Dong Suk និង Ye Jung-hwa បានប្រាប់ Chosun ថា «គូស្នេហ៍នេះនឹងរៀបការនៅទីតាំងមួយក្នុងទីក្រុងសេអ៊ូលក្នុងខែឧសភា»។អ្នកតំណាងរូបនេះបានបន្ថែមថា ពិធីនេះនឹងធ្វើជាលក្ខណៈឯកជន ហើយវាពិបាកក្នុងការបង្ហាញកាលបរិច្ឆេទណាស់»។ ទោះជាយ៉ាងណាបើតាមអ្នកក្នុងឧស្សាហកម្មបានឱ្យដឹងថាថ្ងៃរៀបការគឺនៅថ្ងៃទី ២៦ ខែឧសភា។

Ma Dong Suk និង Ye Jung-hwa មានទំនាក់ទំនងជាសាធារណៈតាំងពីឆ្នាំ ២០១៦ ហើយបានឲចុះសំបុត្រអាពាហ៍ពិពាហ៍នៅឆ្នាំ២០២១។ រៀបការស្របច្បាប់ប៉ុន្តែគូស្នេហ៍នេះមិនអាចរៀបចំពិធីមង្គលការនៅពេលនោះដោយសារតែ COVID និងហេតុផលផ្សេងទៀត ឥឡូវនេះអ្នកទាំងពីរបានរៀបចំដើម្បីអបអរសាទរពិធីមង្គលអ្នកទាំងពីរហើយ។

ការពិតដែលថាអ្នកទាំងពីរបានរៀបការស្របច្បាប់ត្រូវបានបង្ហាញនៅឆ្នាំ២០២២ ក្នុងអំឡុងពេលសុន្ទរកថាទទួលយករបស់ Ma Dong Suk ។ បន្ទាប់ពីទទួលបានពានរង្វាន់សិល្បករភាពយន្តក្នុងកម្មវិធីពានរង្វាន់មួយ ដោយតារាសម្តែងរូបនេះបានសម្តែងការដឹងគុណរបស់លោកដោយនិយាយថា «ខ្ញុំសូមអរគុណប្រពន្ធជាទីស្រឡាញ់របស់ខ្ញុំ Ye Jung-hwa» ។

Ye Jung Hwa តែងតែបង្ហាញសកម្មភាពគាំទ្រស្វាមីជានិច្ច ដោយបានអមដំណើរ Ma Dong Seok ក្នុងសកម្មភាពផ្សព្វផ្សាយសម្រាប់ការចេញផ្សាយភាពយន្តថ្មីរបស់ស្វាមីផងដែរ៕