មហារីក គឺជាជំងឺមួយប្រភេទដែលកើតចេញពីកោសិកាមិនប្រក្រតីក្នុងខ្លួន។ កោសិកាទាំងនេះនឹងលូតលាស់លឿនជាងធម្មតា ដែលធ្វើឱ្យរាងកាយមិនអាចគ្រប់គ្រងបាន ដូច្នេះកោសិកាមិនប្រក្រតីនឹងរីករាលដាលយ៉ាងឆាប់រហ័សពាសពេញរាងកាយ បណ្តាលឱ្យសរីរាង្គនោះបរាជ័យ និងដំណើរការមិនត្រឹមត្រូវ រហូតដល់ទីបំផុតអាចបណ្តាលឱ្យស្លាប់ទៀតផង។ ហេតុនេះដើម្បីការពារកុំឱ្យមានជំងឺមហារីកកើតលើរាងកាយរបស់យើង អ្នកគប្បីទទួលទានអាហារសុខភាព ១០ មុខដូចខាងក្រោម៖
១.បន្លែ៖ បន្លែដូចជា ស្ពៃខ្មៅ ការ៉ុត ប៉េងប៉ោះ ស្ពៃក្តោប ផ្កាខាត់ណា ខ្ញី ខ្ទឹមបារាំង និងខ្ទឹមស សុទ្ធតែជាប្រភេទបន្លែដែលជួយកាត់បន្ថយហានិភ័យនៃជំងឺមហារីក ដោយសារតែវាសម្បូរទៅដោយសារធាតុប្រឆាំងអុកស៊ីតកម្ម។
២.សណ្តែកសៀង៖ មិនថាសណ្តែកសៀង សណ្តែកខ្មៅ សណ្តែកបៃតង សណ្តែកក្រហម ឬសណ្ដែកដីនោះទេ សុទ្ធតែជាអាហារដែលជួយប្រឆាំងមហារីក ថែមទាំងល្អសម្រាប់សុខភាពទៀតផង ព្រោះវាសម្បូរទៅដោយប្រូតេអ៊ីនល្អ និងជាតិសរសៃធម្មជាតិ វាក៏ងាយស្រួលក្នុងការបញ្ចេញចោលផងដែរ។
៣.សារាយសមុទ្រ៖ គឺជាប្រភពដ៏ល្អនៃសារធាតុរ៉ែ ពោរពេញទៅដោយសារធាតុចិញ្ចឹមជាច្រើនដែលល្អសម្រាប់រាងកាយ មានច្រើនប្រភេទសម្រាប់ជ្រើសរើស ប៉ុន្តែអ្នកគួរជ្រើសរើសទទួលទានប្រភេទឆ្លាស់គ្នាជាបន្តបន្ទាប់ទើបល្អចំពោះសុខភាព។
៤.គ្រឿងទេស៖ គ្រឿងទេសដូចជា ម្រេចអាចត្រូវបានប្រើក្នុងការចម្អិនអាហារឬបរិភោគឆៅ ដើម្បីជួយប្រឆាំងនឹងជំងឺមហារីក ក៏ដូចជាជំរុញប្រព័ន្ធភាពស៊ាំរបស់រាងកាយផងដែរ។
៥.ផ្សិត៖ ផ្សិតជួយទប់ស្កាត់កោសិកាមហារីកជាច្រើនប្រភេទ ដោយសារតែវាមានជាតិសរសៃដែលជួយដល់ការរំលាយអាហារ និងធ្វើឱ្យការបញ្ចេញចោលកាន់តែងាយស្រួល វាក៏មានវីតាមីនផ្សេងៗដែលល្អសម្រាប់រាងកាយផងដែរ។
៦.ផ្លែឈើ៖ ផ្លែឈើដូចជា strawberries, blueberries, raspberries, cherries គឺឆ្ងាញ់និងស្រស់ ដែលវាមានអត្ថប្រយោជន៍ជាច្រើនទាំងវីតាមីនផ្សេងៗគ្នា និងជាតិសរសៃអាហារ ញ៉ាំវាស្រស់ដើម្បីទទួលបានសុខភាពរាងកាយល្អមាំមួន។
៧.ទឹក៖ ទឹកស្អាតជួយឱ្យឈាមរត់បានស្រួល ធ្វើឱ្យកោសិកាក្នុងរាងកាយធ្វើការប្រកបដោយប្រសិទ្ធភាព រួមទាំងការនាំយកកាកសំណល់ចេញពីរាងកាយកាន់តែប្រសើរផងដែរ។
៨.យ៉ាអួ៖ យ៉ាអួ មិនត្រឹមតែមានអត្ថប្រយោជន៍សម្រាប់ការបញ្ចេញចោលប៉ុណ្ណោះទេ វាក៏ជួយប្រឆាំងមហារីកផងដែរ ដោយសារតែមានរ៉ាឌីកាល់សេរី ជួយឱ្យឈាមរត់បានស្រួល និងពន្យឺតការចុះខ្សោយនៃកោសិកាក្នុងរាងកាយ។
៩.ត្រី៖ ត្រីសមុទ្រដូចជាត្រីសាម៉ុងដែលមានអូមេហ្គា 3 និងខ្លាញ់ដែលល្អសម្រាប់រាងកាយ ត្រី cod ត្រី mackerel និងត្រីសាឌីន សុទ្ធតែជាអាហារដ៌ល្អបំផុតសម្រាប់ការពារជំងឺមហារីក។
១០.គ្រាប់ធញ្ញជាតិ៖ គ្រាប់ធញ្ញជាតិផ្សេងៗ ដូចជា oats, barley, corn, wheat គឺល្អសម្រាប់ប្រឆាំងនឹងជំងឺមហារីក ដោយសារតែវាមានវីតាមីន B គឺល្អណាស់សម្រាប់ការបញ្ចុះសម្ពាធឈាម៕
