នៅថ្ងៃទី២៩ ខែមីនា ឆ្នាំ ២០២៤ វេលាថ្ងៃត្រង់ មានករណីរថភ្លើង បុករថយន្តក្រុង យ៉ាងពេញទំហឹង នៅម្តុំវត្តបំណក់ ផ្លូវទៅច្រកល្អៀង នេះបើយោងតាមការបញ្ចេញមតិរបស់គណនីមួយចំនួននៅក្នុងខ្លឺបវីដេអូរថភ្លើងបុកគ្នានេះ។
បើមើលតាមវីដេអូខ្លីបដែលបានបង្ហោះនៅលើបណ្តាញសង្គម គេឃើញមានអ្នករងរបួសជាច្រើននាក់ និងមានមនុស្សជាច្រើនចូលជួយទាញមនុស្សចេញពីក្រោមរថយន្តក្រុង។
តែយ៉ាងណាមិញ ជុំវិញករណីនេះ មិនទាន់មានអាជ្ញាធរស្រុក មកបញ្ជាក់ដើមហេតុនៃការបុកគ្នានៅឡើយទេ ខណៈចំនួនអ្នករបួស ឬក៏អ្នកស្លាប់ក៏មិនទាន់មានប្រភពច្បាស់លាស់ណាមួយចេញមុខមកបញ្ជាក់នៅឡើយ ហេតុដូច្នេះយើងមិនតែរងចាំការបកស្រាយបំភ្លឺរបស់អាជ្ញាធរស្រុកនៅពេលក្រោយ៕
