នៅវេលាម៉ោងជាង ១:០០នាទីរំលងអធ្រាត្រថ្ងៃទី ២៧ ឈានចូលថ្ងៃទី ២៨ ខែមីនា ឆ្នាំ ២០២៤ នៅក្នុងភូមិសុភី១ សង្កាត់រតន: ក្រុងបាត់ដំបង ខេត្តបាត់ដំបង មានករណីផ្ទុះអាវុធជាច្រើនគ្រាប់ ខណៈម្ចាស់ផ្ទះ ក៏ដូចជាអ្នកភូមិមិនចាប់អារម្មណ៍ទេដោយស្មានថាគេបាញ់កាំជ្រួច។
ការបាញ់នេះ មានដល់៦គ្រាប់ ជាគ្រាប់កាំភ្លើងប្រភេទកាំភ្លើងខ្លី ដោយសំដៅលើផ្ទះរបស់ប្រជាពលរដ្ឋម្នាក់ បាញ់ទម្លុះទ្វាដែលស័ង្កសីឆ្វេងស្តាំ និងទូរដាក់ទូរស័ព្ទផងដែរសរុបចំនួន ៦កន្លែង។
ចំពោះករណីនេះ សមត្ថកិច្ចពាក់ព័ន្ធទាំងអស់បានដាក់ខ្សែហ៊ុមព័ទ្ធទីតាំងកើតហេតុ និងកំពុងសាកសួរលំអិតដល់ម្ចាស់ផ្ទះ ដើម្បីឈានទៅដល់ការឃាត់ខ្លួនជនសង្ស័យខាងលើ៕
