តារាសម្តែង Zhao Lusi ត្រូវរងមតិរិះគន់ដោយសារកែរូបភាពខ្លាំងពេក

តារាសម្ដែងស្រីចិនដ៏ល្បីឈ្មោះ Zhao Lusi ទទួលបាននូវមតិរិះគន់ជាច្រើនពីអ្នកលេងបណ្តាញសង្គមចិនចំពោះការកែរូបថតរបស់នាងដើម្បីធ្វើឱ្យនាងខ្ពស់ និងស្គម។ អ្នកគាំទ្ររាប់ម៉ឺននាក់បានតវ៉ាចំពោះក្រុមហ៊ុនគ្រប់គ្រងរបស់ Zhao Lusi ដោយសុំឱ្យតារារូបនេះផ្លាស់ប្តូរស្ទាយ៍សំលៀកបំពាក់ និងជាងផាត់មុខ។ អ្នកខ្លះទៀតបានរិះគន់តារាសម្តែងនេះថា «បោកបញ្ឆោតទស្សនិកជន» ដោយការកែរូបច្រើនពេក។ ចំណែកមតិផ្សេងទៀតថានាងស្អាតស្រាប់ហើយមិនចាំបាច់កែរូបនាងហួសហេតុពេកទេ។

យោងតាម ក្រុមហ៊ុន Next Apple នៅក្នុងព្រឹត្តិការណ៍កាលពីចុងសប្តាហ៍មុនត្រូវបានបង្ហោះនៅលើវេទិកាជាច្រើន ដែលបានក្លាយជាប្រធានបទដ៏ពេញនិយមនៅលើបណ្តាញសង្គម។ ទស្សនិកជនភាគច្រើនបានបញ្ចេញមតិថា Zhao Lusi ជ្រើសរើសសំលៀកបំពាក់មិនសមនឹងរូបរាងកាយរបស់នាងទើបធ្វើឱ្យនាងមិនសូវស្អាត ខណៈនៅក្នុងវីដេអូនោះ រូបថតដែលអ្នកគាំទ្រថតបានគឺខុសពីរូបថតដែលក្រុមហ៊ុនគ្រប់គ្រងរបស់តារាស្រីរូបនេះបង្ហោះនៅលើ Weibo ។

អ្នកគាំទ្ររាប់ម៉ឺននាក់បានតវ៉ាចំពោះក្រុមហ៊ុនគ្រប់គ្រងរបស់ Zhao Lusi ដោយសុំឱ្យតារារូបនេះផ្លាស់ប្តូរស្ទាយ៍សំលៀកបំពាក់ និងជាងផាត់មុខ។ អ្នកខ្លះទៀតបានរិះគន់តារាសម្តែងនេះថា «បោកបញ្ឆោតទស្សនិកជន» ដោយការកែរូបច្រើនពេករួមទាំងមតិទស្សនិកជន ជាច្រើនទៀតបានសរសេរនៅលើប្រព័ន្ធអ៊ីនធឺណិត។ មនុស្សជាច្រើនគិតថា Zhao Lusi គឺពិតជាគួរឱ្យស្រលាញ់ និងស្អាត ហើយមិនចាំបាច់កែរូបថតរបស់នាងហួសហេតុពេកនោះទេ ទៅរសនិយម «មុខស្ដើង រាងស្គម»។

Zhao Lusi មានអាយុ ២៦ ឆ្នាំ ស្ថិតក្នុងក្រុមតារាស្រីដែលលេចធ្លោជាងគេនៅលើកញ្ចក់ទូរទស្សន៍ចិនតាមរយៈរឿងល្បីៗជាច្រើន។ នាងគឺជាតារាស្រីដែលកើតក្រោយឆ្នាំ ១៩៩៥ ដែលមានកិច្ចសន្យាផ្សាយពាណិជ្ជកម្មច្រើនជាងគេ។

យោងតាម Sohu ក្នុងរយៈពេលប៉ុន្មានឆ្នាំថ្មីៗនេះ និន្នាការនៃ «ស្បែកស ក្មេង ស្គម» ដែលជាគំនិតនៃស្បែកស រូបរាងក្មេងគួរឱ្យស្រលាញ់ រាងស្លីម កំពុងតែពេញនិយមនៅក្នុងប្រទេសចិន។ តារាជាច្រើនតែងតែកែរូបថតដើម្បីឱ្យមានក្បាលពោះតូច ជើងស្ដើង មុខតូច និងចង្កេះតូច មុនពេលបង្ហោះលើបណ្ដាញសង្គម៕