អ្នកគាំទ្ររួមទាំងផេកអ្នកគាំទ្រវិស័យ K-Pop ផងបានបង្ហាញការភ្ញាក់ផ្អើលយ៉ាងខ្លាំងបន្ទាប់ពីតារាសម្តែងជួរមុខប្រចាំប្រទេសកម្ពុជាកញ្ញា ស៊ីន យូប៊ីន បានបង្ហោះវីដេអូចូលរួមកម្មវីធីមួយនៅឯប្រទេសកូរ៉េខាងត្បូងដោយបានជួបជាមួយកំពូលតារាចម្រៀង Lisa សមាជិកក្រុម BLACKPINK។ ឱកាសនេះ យូប៊ីន បានថតរូបជាមួយ Lisa និងឱបគ្នាយ៉ាងស្និទ្ធស្នាលធ្វើឱ្យហ្វេនៗបង្ហាញអារម្មណ៍រំភើបយ៉ាងខ្លាំងហើយក៏មិនភ្លេចកោតសរសើរតារាស្រីកម្ពុជារូបនេះដូចគ្នាដែលមានឱកាសបានជួបសុទ្ធតែតារាល្បីៗលំដាប់ពិភពលោក។
នៅយប់ថ្ងៃទី១៥ ខែមីនា ស៊ីន យូប៊ីន បានបង្ហោះវីដេអូខ្លីៗចំនួនពីរភ្ជាប់ជាមួយពាក្យពេចន៍ថា«Bulgari studio in Seoul Korea»។ វីដេអូទី១ ជាវីដេអូ ដែលបង្ហាញពីសកម្មភាពរបស់ ស៊ីន យូប៊ីន ឈរថតរូបខណៈមាន Cameramen ថតរូបនាងព្រោងព្រាត។ យូប៊ីន បានស្លៀករ៉ូបពណ៌សវែងយ៉ាងស្រស់ស្អាត អមជាមួយគ្រឿងអលង្ការប្រណីតម៉ាកយីហោដែលនាងចូលរួមនេះ រួមជាមួយការទម្លាក់សក់យ៉ាងសាមញ្ញា។ 
ចំពោះវីដេអូទី២ គឺជាសកម្មភាពរបស់ ស៊ីន យូប៊ីន បានជួបជាមួយ Lisa សមាជិក BLACKPINK ដោយអ្នកទាំងពីរបានថតរូបជាមួយគ្នានិងបានឱបគ្នាស្និទ្ធស្នាលជាមួយការសំណេះសំណាលបន្តិចបន្ទួចផងដែរ។ សកម្មភាពនេះបានធ្វើឱ្យអ្នកគាំទ្របង្ហាញអារម្មណ៍រំភើបចិត្តយ៉ាងខ្លាំងដែលតារាកម្ពុជារូបនេះបានជួបតារាល្បីលំដាប់ពិភពលោកថែមទាំងបានឱបគ្នាទៀតពិតជាពិសេសមែន។.png)
គេចាំបានដែរថា កន្លងមកនេះ ស៊ីន យូប៊ីន បានចូលរួមកម្មវិធីម៉ាកយីហោធំៗដោយបានជួបជាមួយ Jungkook សមាជិក BTS ចំនួនពីរដងដោយនៅកៀកគ្នាៗប៉ុន្តែមិនមានឱកាសបានថតរូបជាមួយគ្នានោះទេ។ បន្ថែមពីលើនេះ យូប៊ីន ក៏ធ្លាប់បានជួប Jennie សមាជិក BLACKPINK ផងដែរ។ ទន្ទឹមនឹងតារាល្បីៗប៉ុន្មានរូបនេះ ស៊ីន យូប៊ីន ក៏បានជួបជាមួយតារាល្បីៗជាច្រើនរូបទៀតពិតជាមិនសរសើរមិនបានមែនទៅកាន់តារាស្រីរូបនេះ។.png)
កម្មវិធីនេះ Lisa បានបង្ហាញខ្លួនក្នុងឈុតពណ៌ខ្មៅសិចស៊ីតិចតួចហើយនាងក៏បានធ្វើឱ្យអ្នកនិយមលេងអ៊ីនធឺណិតភ្ញាក់ផ្អើលជាមួយនឹងរ៉ូបពណ៌ខ្មៅនេះដូចគ្នាព្រោះអ្នកគាំទ្រតែងតែចូលចិត្តឃើញ Lisa ស្លៀករ៉ូបពណ៌នេះដោយសារតែនាងបានបញ្ចេញនូវរូបរាងមើលទៅសិចស៊ី ឆើតឆាយ និងភាពទាន់សម័យជាមួយនឹងសក់លើកឡើងលើ និងគ្រឿងអលង្ការឆើតឆាយ ដែលបានបញ្ចូលគ្នាមើលទៅយ៉ាងល្អឥតខ្ចោះ៕
