ម៉ោង១២យប់ឈានចូលថ្ងៃទី១១ ខែមីនា ក្រុមចម្រៀងស្រីថ្មីរបស់ YG Entertainment BABYMONSTER បានប្រកាសសម្រាប់ការត្រលប់មកវិញរបស់ពួកគេក្នុងខែមេសាខាងមុខនេះ។ គួរកត់សម្គាល់ថាការត្រលប់មកវិញរបស់ BABYMONSTER ក្នុងអាល់ប៊ុមខ្នាតតូច ក៏មានវត្តមានសមាជិក Ahyeon ផងដែរដែលធ្វើឱ្យហ្វេនៗរំភើបចិត្តយ៉ាងខ្លាំង។
សមាជិក Ahyeon ខកខានចូលរួមជាមួយក្រុមសម្រាប់ការបង្ហាញខ្លួនលើកដំបូងរបស់ក្រុម BABYMONSTER និងការចេញបទចម្រៀងទីពីររបស់ពួកគេជាបន្តបន្ទាប់ដោយសារតែសុខភាពរបស់នាង។ ទោះយ៉ាងណា អាល់ប៊ុមខ្នាតតូចដំបូងរបស់ BABYMONSTER “BABYMONS7ER” ដែលនឹងរួមបញ្ចូលកំណែថ្មីដែលមានសមាជិកប្រាំពីរនាក់នៃបទចម្រៀងពីរដំបូងរបស់ពួកគេ “BATTER UP” និង “Stuck In The Middle” (ដែលដើមដំបូងមិនរួមបញ្ចូល Ahyeon) នឹងត្រូវបានចេញផ្សាយនៅថ្ងៃទី១ ខែមេសា នៅពាក់កណ្តាលអធ្រាត្រ ម៉ោងនៅប្រទេសកូរ៉េខាងត្បូង។
Ahyeon ជាសមាជិកលេចធ្លោម្នាក់នៅក្នុងក្រុម BABYMONSTER និងល្បីក្នុងចំណោមអ្នកគាំទ្រដែលថានាងមើលទៅដូចជា Jennie សមាជិកក្រុម BLACKPINK។ រូបនាងក៏ទទួលបានចំណាប់អារម្មណ៍យ៉ាងខ្លាំងពីទស្សនិកជនតាមរយៈ Cover បទ «Dangerously»។ ដ្បិតទទួលបានការចាប់អារម្មណ៍សមាជិករូបនេះក៏រងនូវរឿងអាស្រូវពេញបណ្តាញបណ្តាញអ៊ឺនធឺណិតទាក់ទងនឹងការប្រមាថជាតិសាសន៍ស្បែកស ស្បែកខ្មៅ។
គួរបញ្ជាក់ថា BABY MONSTER បានបង្ហាញខ្លួនជាផ្លូវកាលពីថ្ងៃទី ២៧ ខែវិច្ឆិកា ឆ្នាំ២០២៣ ជាមួយសមាជិក៦នាក់គឺ Haram, Rora, Pharita Chiquita , Ruka និង Asa ជាមួយបទចម្រៀង “BATTER UP” ខណៈអវត្តមានសមាជិក Ahyeon ដោយសារតែមានបញ្ហាសុខភាព។ ក្រុមនេះជាក្រុមនារីដំបូងរបស់ផលិតកម្ម YG ក្នុងរយៈពេល៧ ឆ្នាំចាប់តាំងពីក្រុម BLACKPINK ៕