អាហារបួសគឺគ្មានសាច់សត្វនោះទេ ពោលគឺមានតែបន្លែនិងតៅហ៊ូប៉ុណ្ណោះ ទោះជាយ៉ាងណាអាហារប្រភេទនេះមានសារធាតុចិញ្ចឹមច្រើនមិនចាញ់អាហារមានសាច់ឡើយ។ លើសពីនេះ អាហារបួសក៏អាចធ្វើឱ្យសម្រស់ក្មេងជាងវ័យ មានសុខភាពល្អពីខាងក្នុង ក៏ដូចជាកាត់បន្ថយជំងឺដំកាត់ផ្សេងៗបានទៀតផង។ ហេតុនេះហើយ តើអាហារបួសមានអត្ថប្រយោជន៍អ្វីខ្លះចំពោះសុខភាពរាងកាយ?
១.កាត់បន្ថយហានិភ័យនៃជំងឺមហារីក៖ អាហារបួសត្រូវបានគេរកឃើញថាអាចកាត់បន្ថយហានិភ័យចំពោះជំងឺមហារីកច្រើន ជាងរបបអាហារដទៃទៀត ។ វាត្រូវបានគេរកឃើញថាផ្ដល់នូវការការពារប្រឆាំងនឹងជំងឺមហារីកចំពោះស្ត្រី របបអាហារបួសដែលមានជាតិ lacto-ovo ត្រូវបានគេរកឃើញថាផ្ដល់ការការពារប្រឆាំងនឹងជំងឺមហារីកនៃក្រពះពោះវៀនផងដែរ។
២.ល្អសម្រាប់សុខភាពបេះដូង៖ អាហារបួសមានជាតិសរសៃជួយរក្សាកម្រិតជាតិស្ករក្នុងឈាមឱ្យមានស្ថិរភាព និងកាត់បន្ថយកូលេស្តេរ៉ុល និងគ្រោះថ្នាក់ទូទៅនៃការគាំងបេះដូង។
៣.បញ្ចុះសម្ពាធឈាម៖ ការសិក្សាបានបង្ហាញថា ការបរិភោគអាហារបួសជាពិសេសអ្នកតមសាច់មានសំពាធឈាមទាបជាងអ្នកបរិភោគសាច់។ អាហាររុក្ខជាតិមានទំនោរនៃជាតិខ្លាញ់សូដ្យូមនិងកូលេស្តេរ៉ុលទាប ដែលអាចមានឥទ្ធិពលវិជ្ជមានទៅលើសំពាធឈាមរបស់អ្នក ហើយផ្លែឈើនិងបន្លែក៏មានកំហាប់ប៉ូតាស្យូមដែលជាជំនួយជួយបន្ថយសំពាធឈាមផងដែរ។
៤.ជួយសម្រស់ឱ្យក្មេងជាងវ័យ៖ អាហារបួសមានតែបន្លែ និងប្រភេទសណ្ដែកសៀងឬតៅហ៊ូសុទ្ធ ដូច្នេះអ្នកហូបអាហារប្រភេទនេះ មិនបាច់ភ័យខ្លាចមានខ្លាញ់ ឬមានកូលេស្តេរ៉ុល ធ្វើឱ្យមុខកើតប្រេង ឬកើតមុននោះទេ។
៥.ការពារពីជំងឺទឹកនោមផ្អែមប្រភេទទី ២៖ ការទទួលទានអាហារបួសដែលមានសុខភាពល្អ អាចជួយការពារពីប្រភពជំងឺទឹកនោមផ្អែមប្រភេទទី ២ និងជំងឺផ្សេងទៀត។ ដូច្នេះអាហារដែលមានជាតិ glycemic ទាបធ្វើឱ្យកម្រិតជាតិស្ករក្នុងឈាមមានស្ថិរភាព៕
