ក្រដាស់អនាម័យ ឬគេហៅថាក្រដាសជូតមាត់គឺមានច្រើនប្រភេទណាស់ ហើយវាមានតួនាទីខុសៗគ្នា។ មនុស្សមួយចំនួនប្រាកដជាមិនសូវដឹងច្បាស់អំពីរបៀបនៃការប្រើប្រាស់ក្រដាស់អនាម័យឱ្យបានត្រឹមត្រូវនោះទេ ដោយអ្នកខ្លះយកក្រដាស់សម្រាប់ជូតដៃទៅជូតមាត់ និងខ្លះទៀតយកក្រដាស់ជូតមាត់ទៅជូនអវៈយវៈផ្សេងៗ។ ដូច្នេះខាងក្រោមនេះគឺជាក្រដាស់អនាម័យ ៤ ប្រភេទដែលអ្នកត្រូវតែដឹង និងគួរប្រើប្រាស់ឱ្យបានត្រឹមត្រូវ៖
១.ក្រដាសបង្គន់៖ ក្រដាសភាគច្រើនមានទំហំធំជារង្វង់មូលដែលយើងឃើញនៅក្នុងបន្ទប់ទឹកជាញឹកញាប់។ ក្រដាសប្រភេទនេះប្រើសម្រាប់លាងសម្អាតតំបន់សម្ងាត់របស់យើង ដូច្នេះហើយ អ្នកមិនគួរប្រើវាដើម្បីជូតមុខ ឬភ្នែករបស់អ្នកឡើយ។ លើសពីនេះ អ្នកក៏មិនគួរប្រើសម្រាប់កាន់ ឬដាក់អាហារទេ ព្រោះវាមានសារធាតុ sodium hydroxide ដែលជាសារធាតុបង្កមហារីក។
២.ក្រដាស់ជូតមុខ៖ ក្រដាស់ជូតមុខគឺមានសភាពទន់សើមនិងត្រជាក់ ប្រើសម្រាប់លាងមុខ ឬលុបគ្រឿងសម្អាង។ ក្រដាសនេះត្រូវបានវេចខ្ចប់ក្នុងប្រអប់ក្រដាសកាតុងធ្វើកេសរាងចតុកោណ ដែលអាចយកចេញបានយ៉ាងងាយស្រួល។
៣.ក្រដាសរឹង៖ ក្រដាសដែលមានសភាពរឹងគឺប្រើសម្រាប់ជូតដៃ ដោយយើងអាចឃើញវានៅតាមបន្ទប់ទឹកសាធារណៈ មន្ទីរពេទ្យ និងសណ្ឋាគារ ពួកវាជាប្រអប់ដែលជាប់នឹងជញ្ជាំង មានភាពរឹងមាំ និងមិនងាយរហែកនៅពេលដែលប៉ះនឹងទឹក ប៉ុន្តែមិនគួរយកវាទៅប៉ះនឹងអាហារ ឬប្រើដើម្បីស្រូបជាតិប្រេងពីអាហារឡើយ។
៤.ក្រដាសតារាង៖ ជាទូទៅក្រដាសដែលមានរាងជាតារាង ៤ ជ្រុងស្មើគ្នាភាគច្រើនយើងឃើញវានៅលើតុអាហារ ដែលប្រើសម្រាប់ជូតមាត់ លក្ខណៈសម្បត្តិរបស់ក្រដាសគឺទន់ និងស្រដៀងទៅនឹងក្រដាស់ជូតមុខដែរ ដូច្នេះកុំប្រើវាក្នុងបន្ទប់ទឹកអីគឺមិនល្អទេ៕