ដុះក្បាលពោះ ឬមានខ្លាញ់ក្បាលពោះ គឺជាបញ្ហាប្រឈមមួយដែលមនុស្សជាច្រើននាពេលបច្ចុប្បន្ននេះកំពុងតែជួបប្រទះ។ ការដុះក្បាលពោះនេះអាចនាំទៅរកហានិភ័យផ្នែកសុខភាពជាច្រើន និងប៉ះពាល់ដល់សោភណ្ឌភាពរបស់មនុស្សម្នាក់ៗយ៉ាងខ្លាំងទៀតផង។ ដើម្បីដោះស្រាយបញ្ហាក្បាលពោះនេះ យើងខ្ញុំសូមណែនាំលោកអ្នកនូវវិធី ៤ យ៉ាង ដែលអាចជួយសម្រកខ្លាញ់ក្បាលពោះបានយ៉ាងមានប្រសិទ្ធភាពដោយមិនចាំបាច់ហាត់ប្រាណនោះទេ។
១.ញ៉ាំខ្ទឹមសស្រស់នៅពេលព្រឹក៖ ការទទួលទានខ្ទឹមសស្រស់នៅពេលព្រឹកនៅលើពោះទទេក៏ជាវិធីដ៏ល្អបំផុតមួយក្នុងការកាត់បន្ថយខ្លាញ់ក្បាលពោះផងដែរ។ ព្រោះខ្ទឹមសជួយជំរុញការបំប្លែងថាមពលបានល្អ ដូច្នេះការសម្រកទម្ងន់នឹងមានប្រសិទ្ធភាព។ លើសពីនេះ ការទទួលទានខ្ទឹមសពេលពោះទទេ ក៏ជួយបន្សាបជាតិពុលក្នុងរាងកាយ ដែលរារាំងដល់ប្រព័ន្ធរំលាយអាហារផងដែរ។
២.ផឹកទឹកក្រូចឆ្មាក្តៅៗនៅពេលព្រឹក៖ ក្រោកពីដំណេកនៅពេលព្រឹក ក្រពះយើងនឹងទទេរ ដូច្នេះយើងណែនាំឱ្យផឹកទឹកក្រូចឆ្មាក្តៅៗ ១ កែវជារៀងរាល់ព្រឹក។ វិធីនេះមានប្រសិទ្ធភាពខ្លាំងក្នុងការកម្ចាត់ជាតិខ្លាញ់ក្បាលពោះ ក៏ដូចជាជួយឱ្យក្បាលពោះអ្នករាបស្មើដោយភាពជឿជាក់។
៣.ផឹកតែរុក្ខជាតិ៖ តែរុក្ខជាតិដូចជា តែខ្ញី តែជីអង្កាម ឬយិនស៊ិនគឺជាភេសជ្ជៈរុក្ខជាតិ ដែលជួយជំរុញការរំលាយអាហារឱ្យដំណើរការប្រកបដោយប្រសិទ្ធភាពពេញលេញ។ លើសពីនេះវាក៏ជួយកាត់បន្ថយជាតិខ្លាញ់នៅតំបន់ក្បាលពោះបានយ៉ាងល្អផងដែរ។
៤.ប្រើប្រេងដូងសម្រាប់ចម្អិនអាហារ៖ ការប្រើប្រាស់ប្រេងដូងដើម្បីរៀបចំអាហារដែលអ្នកញ៉ាំជារៀងរាល់ថ្ងៃក៏មានប្រយោជន៍ក្នុងការកាត់បន្ថយក្បាលពោះផងដែរ។ នេះគឺដោយសារតែប្រេងដូងផ្តល់កំដៅដល់រាងកាយ ជាលទ្ធផលរាងកាយដុតបំផ្លាញជាតិខ្លាញ់បានយ៉ាងល្អ ក៏ដូចជាជួយលើកកម្ពស់ការសម្រកទម្ងន់ផងដែរ៕
