រង្វង់ភ្នែកខ្មៅ គឺជាបញ្ហាមួយដែលអាចធ្វើឱ្យស្ត្រីបាត់បង់សម្រស់ ក៏ដូចជាបាត់បង់ភាពទាក់ទាញ ប៉ុន្តែវាមិនអីទេក្នុងការប្រើគ្រឿងសម្អាងដើម្បីបិទបាំង ទោះជាយ៉ាងណា វិធីល្អបំផុតដើម្បីកែលម្អរង្វង់ភ្នែកខ្មៅឱ្យមានភាពស្រស់ស្អាតឡើងវិញ អ្នកគួរតែយកចិត្តទុកដាក់លើអាហារ ៦ មុខដូចខាងក្រោម៖
១.ផ្លែល្ហុង៖ ផ្លែល្ហុងត្រូវបានគេស្គាល់ថាជាភ្នាក់ងារ “ធ្វើឱ្យរង្វង់ភ្នែកស” ធម្មជាតិ ក្រៅពីកាត់បន្ថយស្នាមអុចខ្មៅ វាក៏ផ្តល់ឱ្យស្បែកភ្លឺថ្លាផងដែរ។
២.ត្រសក់៖ ត្រសក់មានជាតិទឹកខ្ពស់ ពួកវាផ្តល់ជាតិទឹកដល់រាងកាយរបស់អ្នក បង្កើនការផលិតកូឡាជែន និងធ្វើឱ្យប្រសើរឡើងនូវភាពយឺតនៃសរសៃឈាម ជួយកាត់បន្ថយរង្វង់ខ្មៅនៃភ្នែក។
៣.ឪឡឹក៖ ផ្លែឪឡឹកសម្បូរទៅដោយសារធាតុប្រឆាំងអុកស៊ីតកម្ម រួមទាំងបេតាការ៉ូទីន ដែលជំនួយដល់សុខភាពភ្នែក វាមានជាតិទឹក ៩២% ដែលជួយផ្តល់ជាតិទឹកដល់រាងកាយ។
៤.ផ្លែទទឹម៖ ផ្លែទទឹមមានលក្ខណៈសម្បត្តិប្រឆាំងនឹងការរលាក ឬប្រឆាំងអុកស៊ីតកម្មខ្ពស់ ដែលអាចធ្វើឱ្យប្រសើរឡើងនូវការបត់បែនស្បែក។ ការបញ្ចូលវីតាមីន C បន្ថែមទៅក្នុងរបបអាហាររបស់អ្នកតាមរយៈផ្លែទទឹមអាចមានប្រសិទ្ធភាពក្នុងការការពារការលេចចេញនៃស្នាមជ្រួញ ក៏ដូចជារង្វង់ខ្មៅនៅក្រោមភ្នែករបស់អ្នក។
៥.ស្ពៃខ្មៅ៖ ស្ពៃខ្មៅមានផ្ទុកជាតិកាល់ស្យូម ក្លរួ ជាតិដែក ម៉ាញ៉េស្យូម ម៉ង់ហ្គាណែស ប៉ូតាស្យូម កូលីន ហ្វូឡាត riboflavin និងវីតាមីន A, C, E, K, B6… មានសារៈសំខាន់សម្រាប់រូបរាងស្បែក និងតំបន់ក្រោមភ្នែករបស់អ្នក។ អាហារដែលមានវីតាមីន A, C, E និង carotenoids ល្អសម្រាប់សុខភាពស្បែក និងការពារភាពចាស់នៃស្បែកព្រោះវាជាសារធាតុប្រឆាំងអុកស៊ីតកម្មខ្លាំង។
៦.ប៉េងប៉ោះ៖ ប៉េងប៉ោះគឺជាគ្រឿងផ្សំដ៏អស្ចារ្យដែលអាចប្រើក្នុងរូបមន្តផ្សេងៗជាច្រើន។ ផ្លែប៉េងប៉ោះសម្បូរទៅដោយវីតាមីន C ដែលអាចថែរក្សាស្បែក និងរបបអាហាររបស់អ្នក។ ពួកវាជួយកាត់បន្ថយរង្វង់ខ្មៅក្រោមភ្នែកដោយធ្វើអោយប្រសើរឡើងនូវលំហូរឈាម ក៏ដូចជាជួយការពារស្បែកពីការខូចខាតកាំរស្មី UV និងបង្កើនការផលិតកូឡាជែនទ្វេដង៕
