យោងតាមអ្នកស្រាវជ្រាវរបស់សហរដ្ឋអាមេរិក បានឱ្យដឹងថា មនុស្សដែលមានសុខភាពល្អ តែងតែមានរឿង ៥ យ៉ាងនេះជារៀងរាល់ព្រឹក នៅពេលដែលពួកគេក្រោកពីគេង។ ដូច្នេះ ដើម្បីសម្គាល់ថាអ្នកមានសុខភាពល្អ ឬក៏អត់សូមពិនិត្យមើលរឿងដូចខាងក្រោម៖
១.មានអារម្មណ៍ស្រស់ស្រាយ៖ នៅពេលអ្នកក្រោកពីដំណេកជារៀងរាល់ព្រឹក ហើយមានអារម្មណ៍ស្រស់ស្រាយ និងពោរពេញដោយថាមពល វាជាសញ្ញាបង្ហាញថារាងកាយ និងខួរក្បាលរបស់អ្នកសម្រាកបានល្អ មុខងារស្តាររាងកាយក៏ដំណើរការបានល្អដែរ ដោយមិនមានជំងឺធ្ងន់ធ្ងរក្នុងខ្លួនឡើយ។ ប៉ុន្តែប្រសិនបើអ្នកមានអារម្មណ៍អស់កម្លាំង និងពិបាកក្នុងការភ្ញាក់ អ្នកគួរតែប្រយ័ត្នចំពោះបញ្ហាសុខភាពមួយចំនួនដូចជា មានជំងឺរ៉ាំរ៉ៃ និងប្រព័ន្ធភាពស៊ាំចុះខ្សោយជាដើម។
២.ស្បែកភ្លឺថ្លា៖ មនុស្សជាច្រើនមិនបានដឹងថា ស្បែកពេលក្រោកពីគេងពេលព្រឹក គឺជាកញ្ចក់ដែលឆ្លុះបញ្ចាំងពីស្ថានភាពសុខភាពរបស់មនុស្សម្នាក់ៗ ជាពិសេសចំពោះស្ត្រី។ នៅពេលដែលមនុស្សមានសុខភាពល្អ ក្រោកពីគេង ស្បែករបស់ពួកគេនឹងរលោង ភ្លឺថ្លា ទោះជាយ៉ាងណា ប្រសិនបើស្បែករបស់អ្នកមានសភាពមិនធម្មតាដូចជា រមាស់ ស្រអាប់ជាងធម្មតា ឬក្រហម យកល្អគួរតែទៅមណ្ឌលសុខភាពដើម្បីពិនិត្យ ព្រោះវាអាចមិនត្រឹមតែជាបញ្ហាសើស្បែកប៉ុណ្ណោះទេ ប៉ុន្តែអាចធ្ងន់ធ្ងរទៅទៀត។
៣.ទឹកនោមធម្មតា៖ ពេលភ្ញាក់ពីដំណេកប្រសិនបើទឹកនោមរបស់អ្នកមិនធុំក្លិន មិនមានពពុះ និងមានពណ៌លឿងស្រាល ហើយពេលបង់ជើងទៅស្រួល មានន័យថាសុខភាពរបស់អ្នកគឺល្អប្រសើណាស់។ ផ្ទុយទៅវិញប្រសិនបើទឹកនោមរបស់អ្នកមានពណ៌លឿនខាប់ ធុំក្លិន មានពពុះ ក៏ដូចជានោមញឹកញាប់ខុសពីធម្មតា អ្នកគួរតែប្រញាប់ទៅពិនិត្យសុខភាពឱ្យបានឆាប់បំផុត។
៤.បន្ទោរបង់ដោយរលូន និងទៀងទាត់រៀងរាល់ព្រឹក៖ សញ្ញានៃពោះវៀនដែលមានសុខភាពល្អដែលងាយរកឃើញគឺការធ្វើចលនាពោះវៀនជាប្រចាំ។ នេះនាំឱ្យអ្នកមានទម្លាប់ធ្វើចលនាពោះវៀនពេលព្រឹកទៀងទាត់ និងចលនាពោះវៀនរលូន ដែលមានន័យថាពួកគេមានឱកាសខ្ពស់ក្នុងការមានសុខភាពល្អ និងរស់នៅបានយូរ។ ប៉ុន្តែប្រសិនបើអ្នកមានការទល់លាមក រាគ ឬលាមកមានពណ៌ខុសពីធម្មតា វាអាចជាសញ្ញានៃបញ្ហាពោះវៀន ឬបញ្ហាសុខភាពធ្ងន់ធ្ងរផ្សេងទៀត។
៥.ឃ្លានអាហារនៅពេលព្រឹក៖ រាងកាយនឹងខ្វះថាមពលបន្ទាប់ពីគេងអស់មួយយប់ ដូច្នេះអារម្មណ៍ឃ្លាននៅពេលព្រឹកពេលភ្ញាក់ពីគេងគឺជារឿងធម្មតាណាស់ ការទទួលទានអាហារពេលព្រឹកនិងការរំលាយអាហាររបស់អ្នកដំណើរការល្អ ហើយនាឡិកាជីវសាស្រ្តរបស់អ្នកមិនដំណើរការខុសប្រក្រតីនោះទេ។ ដោយឡែកបើអ្នកមិនឃ្លានអាហារពេលព្រឹក ឬមិនទទួលទាន វាអាចបណ្តាលឱ្យសុខភាពរាងកាយរបស់អ្នកចុះខ្សោយ ក៏ដូចជាងាយប្រឈមហានិភ័យនៃការឆ្លងជំងឺផងដែរ៕
