ព្រះសង្ហារ គឺជានិមិត្តសញ្ញាត្រាជាតិនៃ ព្រះរាជាណាចក្រកម្ពុជា ដែលតំណាងឱ្យនិមិត្តសញ្ញាជាតិនៃកម្ពុជា និងតំណាងឱ្យ រាជានិយមកម្ពុជា។
កូនខ្មែរជាច្រើនតែងប្រទះឃើញព្រះសង្ហារនៅមុខព្រះបរមរាជវាំង ដែលមានពាក្យថា” ព្រះចៅក្រុងកម្ពុជា” ក៏ប៉ុន្តែ ប្រហែលជាមិនសូវមានមនុស្សភាគច្រើន បានដឹងថាមួយៗនៅក្នុងរូបនោះតំណាងឱ្យអ្វីនោះទេ។
• ពន្លឺឆពណ្ណរង្សី នៅពីលើតំណាងឱ្យបារមីរបស់ព្រះមហាក្សត្រ ដែលទ្រង់គ្រប់គ្រងប្រជានុ រាស្ត្រប្រកបដោយទសពិធរាជធម៌ និង តំណាងឱ្យអរិយធម៌ខ្មែរ ដ៏ត្រចះត្រចង់ រុងរឿង។
• មកុដរាជ្យ តំណាងឱ្យ មន្រ្តីរាជការ និងប្រជារាស្រ្ត ទាំងអស់គាំទ្រ និងលើកស្ទួយព្រះ មហាក្សត្រ ឲ្យគ្រប់គ្រងព្រះរាជាណាចក្រកម្ពុជា
• ព្រះខ័នរាជ្យ នៅក្រោមមកុដរាជ្យតំណាង ឱ្យអំណាចនៃអាវុធដ៏ស័ក្តិសិទ្ធិបំផុតសម្រាប់ព្រះ មហាក្សត្រគ្រងរាជ្យ ក្នុងសន្តិភាព និង យុត្តិធម៌។
• សញ្ញា នៅពីលើព្រះខ័នរាជ្យតំណាងឱ្យភាពនៃជោគជ័យ និងការអភិវឌ្ឍន៍រីកចម្រើនជានិច្ច និរន្តន៍សម្រាប់ ព្រះរាជាណាចក្រកម្ពុជា។
• ជើងពានទ្រព្រះខ័នរាជ្យ តំណាងឱ្យបល្ល័ងរាជ្យ ដែលជាអាសនៈកិត្តិយសនិងដ៏ពិសិដ្ឋបំផុតសម្រាប់ព្រះមហាក្សត្រទ្រង់គង់នៅថ្ងៃដែលរៀបចំក្នុងពិធីអភិសេកឡើងគ្រងរាជ្យសម្បត្តិ។
• រាជបល្ល័ង តំណាងឱ្យព្រះមហាក្សត្រ ដែលជាទីសក្ការៈព្រមទាំងជាម្លប់ដ៏ត្រជាក់ត្រជុំដល់ ប្រជារាស្រ្តទាំងអស់នៅក្នុងព្រះនគរ ពីព្រោះព្រះមហាក្សត្រ ទ្រង់បានគ្រប់គ្រងប្រទេសប្រកប ដោយទសពិធរាជធម៌ដែលជាប្រភពផ្តល់នូវថាមពលខាងស្មារតី និងសម្ភារៈសម្រាប់ប្រទេសជាតិ ក្នុងការអភិវឌ្ឍន៍ និង និរន្តរភាព។
• ក្សេតឆ័ត្រទាំងពីរ(ឆ័ត្ររួត) ដែលបានបាំងគ្របជាកិត្តិយស ពីលើបល្ល័ងតំណាងឲ្យអំណាចព្រះមហាក្សត្រ ព្រះមហាក្សត្រីយានី និងការគ្រប់គ្រង របស់ព្រះមហាក្សត្រក្នុងព្រះរាជវង្សនៃ មហានគរខ្មែរដែលព្រះអង្គជាអ្នកថែរក្សា ប្រជារាស្ត្រហើយក៏តំណាងឱ្យភពទេវៈទាំងប្រាំបួនដែល មានទេវតាប្រកបដោយបារមីនិងឫទ្ធិអំណាចនៅចាំគ្រប់គ្រងថែរក្សាព្រះមហាក្សត្រជាប្រចាំ។
• រាជសីហ៍និងគុជសីហ៍ ឈរកាន់ក្សត្រឆ័ត្រទាំងពីរតំណាងឱ្យអំណាច និងមហិទ្ធឫទ្ធិនៅក្នុង របបរាជាធិបតេយ្យកម្ពុជា និងតំណាងឲ្យព្រះសុពណ៌បាទុកា(ទ្រនាប់ជើងមាស)ទាំងពីរក្នុងចំនែក មួយនៃកេតនភណ្ឌទាំងប្រាំយ៉ាង សម្រាប់រៀបចំពិធីអភិសេកព្រះរាជាទ្រង់ឡើងគ្រងរាជ្យ និងតំ ណាងឲ្យកម្លាំងរបស់ប្រជារាស្រ្តខ្មែរនៅជុំវិញព្រះរាជបល្ល័ង។
• ពាក្យ “ព្រះចៅក្រុងកម្ពុជា” តំណាងឱ្យអធិបតីភាពនៃព្រះមហាក្សត្រនៃព្រះរាជាណាចក្រកម្ពុជា៕
