យោងតាមសារព័ត៌មាន The Hollywood Reporter បន្ទាប់ពីការចេញលក់នៅលើទីផ្សារប្រទេសចិននៅថ្ងៃទី៣១ ខែធ្នូ ឆ្នាំ២០២៣ ភាពយន្តឯកសាររបស់ Taylor Swift ទទួលបានប្រាក់ចំណូលសរុបចំនួន ៨.៧ លានដុល្លារ។ ប្រាក់ចំណូលនេះជំរុញឱ្យ Taylor Swift: The Eras Tour វ៉ាដាច់ភាពយន្តឯកសាររបស់តារាចម្រៀង Michael Jackson ដើម្បីដណ្តើមតំណែងកំពូលរកចំណូលបានលើស២៦១ លានដុល្លារ។
កាលពីថ្ងៃទី ៧ ខែមករា អ្នកចែកចាយខ្សែភាពយន្តនេះ គឺលោក Adam Aron នាយកប្រតិបត្តិរបស់ AMC Entertainment បាននិយាយថា “ការសម្តែងរបស់ Taylor Swift បានធ្វើឱ្យអ្នកគាំទ្រទូទាំងពិភពលោកពេញចិត្ត។ ការកំណត់កំណត់ត្រា Box Office គឺជាការរំលឹកអំពីថាមពលនៃខ្សែភាពយន្ត”។ យោងតាមស្ថិតិពីអង្គភាពត្រួតពិនិត្យប្រអប់សំបុត្រអន្តរជាតិ Box Office Mojo ប្រាក់ចំណូលភាគច្រើនត្រូវបានសម្រេចក្នុងសប្តាហ៍ដំបូងនៃការចេញផ្សាយក្នុងខែតុលា ឆ្នាំ២០២៣ ដោយរកបាន ៩២.៨ លានដុល្លារនៅអាម៉េរិកខាងជើង និង ៣០.៧ លានដុល្លារនៅក្នុងទីផ្សារអន្តរជាតិ។ ខ្សែភាពយន្តឯកសារនេះបានវ៉ាដាច់ ភាពយន្តឯកសារ Justin Bieber: Never Say Never ដែលរកចំណូលបាន៧៣ លានដុល្លារជាភាពយន្តឯកសារប្រគំតន្ត្រីជាមួយនឹងការបើកសម្ពោធដ៏ធំបំផុតគ្រប់ពេល។ លើសពីនេះ Taylor Swift: The Eras Tour គឺស្ថិតនៅក្នុងខ្សែភាពយន្តពេញនិយមបំផុតទាំង២០ នៅឆ្នាំ២០២៣។
យោងតាម Billboard នៅពេលដែលការងារបានដកខ្លួនពីរោងភាពយន្តជាបណ្តើរៗ តារាចម្រៀងរូបនេះបានបន្តដំណើរកម្សាន្តរបស់នាងនៅឯកីឡដ្ឋាន Tokyo Dome (ប្រទេសជប៉ុន) នៅថ្ងៃទី៧ ខែកុម្ភៈ ឆ្នាំ២០២៤ បន្ទាប់មក Taylor Swift បន្តទៅអូស្ត្រាលី និងសិង្ហបុរី មុននឹងចាប់ផ្ដើមដំណើរកម្សាន្តនៅអឺរ៉ុបនៅថ្ងៃទី៩ ខែឧសភា ឆ្នាំ២០២៤។
គួរបញ្ជាក់ថា ការប្រគំតន្រ្តីរបស់ Taylor Swift បានចាប់ផ្តើមនៅខែមីនា ឆ្នាំ២០២៣ហើយត្រូវបានគេរំពឹងថានឹងបញ្ចប់នៅចុងឆ្នាំ២០២៤នេះ ជាមួយនឹងការសម្តែងសរុបចំនួន ១៥១ Shows។ ជាមធ្យម ការប្រគំតន្រ្តីទេសចរណ៍នេះទាក់ទាញអ្នកទស្សនាជាង ៧ម៉ឺននាក់ក្នុងមួយយប់រកចំណូលបាន ១៧ លានដុល្លារ សំបុត្រនីមួយៗមានតម្លៃប្រហែល ២៣៨ដុល្លារ។ មកទល់នឹងពេលនេះ Eras Tour បានលក់សំបុត្របានចំនួន ៤.៣លានសន្លឹក ដែលអាចនាំចំណូលដល់ទៅជាង ២ពាន់លានដុល្លារអាម៉េរិកនៅពេលបញ្ចប់ការប្រគំតន្រ្តី៕
