Dua Lipa សារភាពឥតលាក់បាំងជាអ្នកគាំទ្ររបស់ BLACKPINK ទើបសហការជាមួយតារា K-Pop បានច្រើននាក់

ថ្មីៗនេះ Dua Lipa តារាចម្រៀងល្បីឈ្មោះបានចេញបទចម្រៀងថ្មីរបស់ខ្លួនដែលមានចំណងជើងថា “Houdini” និងបានផ្តល់បទសម្ភាសឆ្លើយតបសំណួររបស់អ្នកគាំទ្រជាមួយ Warner Music Koreaពីប្រធានបទនៃការសហការរបស់នាងជាមួយតារា K-Pop ។

Dua Lipa ជាអ្នកចម្រៀង និងជាអ្នកនិពន្ធចម្រៀងជនជាតិអង់គ្លេស និងអាល់បានី បានសហការជាមួយ BLACKPINK ដើម្បីចេញបទ “Kiss and Make Up” របស់ពួកគេក្នុងឆ្នាំ ២០១៨ ហើយបានអញ្ជើញ Jennie សមាជិកក្រុម BLACKPINK ធ្វើជាភ្ញៀវពិសេសសម្រាប់វគ្គនៃផតខាសរបស់នាងក្នុងឆ្នាំ ២០២៣។ លើសពីនេះ Dua Lipa ក៏បានសហការជាមួយ Hwasa សមាជិក MAMAMOO សម្រាប់ ការ Remix នៃ “Physical” ក្នុងឆ្នាំ ២០២០ ហើយត្រូវបានគេប្រទះឃើញនាងដើរលេងជាមួយ CL ផងដែរ។

ការបង្ហាញខ្លួនញឹកញាប់ជាមួយសិល្បករកូរ៉េនេះដែរអ្នកគាំទ្រម្នាក់បានសួរថា Dua Lipa ពីការ ដើមចមនៃការបង្កើតទំនាក់ទំនងជាមួយជនជាតិកូរ៉េដោយរបៀបណា?។ សំណួរនេះDua Lipa បានសារភាពថាចំណាប់អារម្មណ៍របស់នាងក្នុងការសហការជាមួយសិល្បករកូរ៉េបានចាប់ផ្តើមដោយសារតែនាងគឺជា “អ្នកគាំទ្រពិតប្រាកដរបស់ BLACKPINK” ។

នៅដើមដំបូងនៃអាជីពរបស់នាងជាមួយតារាកូរ៉េ នាងបានសរសេរបទ “Kiss And Make Up” ហើយផ្ញើវាទៅ BLACKPINK “ដោយក្តីរំភើប” ដោយសួរថាតើពួកគេនឹងចាប់អារម្មណ៍ក្នុងការធ្វើការជាមួយនាងដែរឬទេ។ Dua Lipa បានចែករំលែកថា វាជាការសប្បាយដែលបានឮរបៀបដែលពួកគេបានបកប្រែទំនុកច្រៀងរបស់ [នាង] ហើយធ្វើឱ្យពួកគេក្លាយជារបស់ពួកគេផ្ទាល់នាងបានបញ្ជាក់ថា វាបានចាប់ផ្តើមទំនាក់ទំនងរបស់នាងទៅនឹង “សិល្បករកូរ៉េដែលមានទេពកោសល្យដ៏អស្ចារ្យមួយចំនួន”។នាងបានចែករំលែកថានាងជាមិត្តនឹង BLACKPINK តាំងពីពេលនោះមក ដែលជារបៀបដែល Jennie អាចចូលរួមជាមួយនាងនៅលើផតខាសរបស់នាង៕