ប្រេងឆាជាគ្រឿងផ្សំដ៏សំខាន់មួយសម្រាប់ចម្អិនអាហារ ពិសេសម្ហូបប្រភេទឆា ចៀន ឬបំពង ដោយគ្រួសារមួយចំនួនតែងតែប្រេងសណ្តែកសៀង ឬប្រេងអង្ករ ឬប្រេងសណ្តែកដីជាដើម។ ប៉ុន្តែការប្រើប្រេងទាំងនេះគឺមិនល្អសម្រាប់សុខភាពនោះទេ ដូច្នេះហើយតើប្រេងប្រភេទណាដែលគ្រួសាររបស់អ្នកគួរប្រើសម្រាប់ចម្អិនអាហារជារៀងរាល់ថ្ងៃ?
១.ប្រេងដូង៖ ប្រេងដូងគឺជាជម្រើសល្អបំផុតសម្រាប់សុខភាព ព្រោះប្រេងដូងមានគុណភាពខ្ពស់ក្នុងការជួយពង្រឹងប្រព័ន្ធស៊ាំ ក៏ដូចជាជួយសម្រកទម្ងន់បានយ៉ាងល្អផងដែរ។ ការប្រើប្រេងដូងជាបន្តបន្ទាប់ក៏ធ្វើឱ្យអាហារមានរសជាតិឆ្ងាញ់ និងមានក្លិនឈ្ងុយទៀតផង។
២.ខ្លាញ់សត្វ៖ ខ្លាញ់សត្វដូចជា ខ្លាញ់ជ្រូក ខ្លាញ់គោ ខ្លាញ់ក្របី…អាចជាជម្រើសដ៏ល្អសម្រាប់ការឆា ចៀន ឬបំពង ដោយសារវាមានសមត្ថភាពខ្ពស់ក្នុងការទប់ទល់នឹងការខូចខាតនៅពេលចម្អិន។ អាស៊ីតនៅក្នុងខ្លាញ់សត្វភាគច្រើនមានខ្លាញ់ឆ្អែត ដែលនេះនឹងធ្វើឱ្យពួកគេធន់នឹងសីតុណ្ហភាពខ្ពស់។
៣.ប្រេងអូលីវ៖ ប្រេងអូលីវគឺជាប្រេងមួយក្នុងចំណោមប្រេងដែលមានសុខភាពល្អបំផុតព្រោះវាធន់នឹងកំដៅដូចជាខ្លាញ់សត្វ និងមានអាស៊ីតខ្លាញ់ monounsaturated ជាច្រើន។ វាមានផ្ទុកសារធាតុប្រឆាំងអុកស៊ីតកម្ម ដែលល្អសម្រាប់បេះដូង ហើយពិសេសល្អសម្រាប់អ្នកមានកូលេស្តេរ៉ូលខ្ពស់។
៤.ប្រេងផ្លែបឺរ៖ ប្រេងផ្លែបឺរមានសារធាតុផ្សំស្រដៀងនឹងប្រេងអូលីវ ដែលភាគច្រើនជាខ្លាញ់ monounsaturated fats និង polyunsaturated fats លាយបញ្ចូលគ្នា។ ប្រេងផ្លែបឺរ ជួយកាត់បន្ថយហានិភ័យកើតជំងឺបេះដូង ជំងឺទឹកនោមផ្អែម ព្រមទាំងជំងឺមហារីក ដោយប្រេងនេះបានជួយកាត់បន្ថយខ្លាញ់អាក្រក់ និងបង្កើនកម្រិតខ្លាញ់ល្អ។
៥.ប្រេង Walnut៖ ប្រេង Walnut គឺជាប្រភេទប្រេងរុក្ខជាតិ សម្បូរសារធាតុប្រឆាំងអុកស៊ីតកម្ម សម្រាប់ការពារយើងពីជំងឺបេះដូង ហើយក៏ផ្ទុកសារធាតុម៉េឡាតូនីន ដែលជួយការពារស្បែកពីកាំរស្មី UV និងជួយរក្សាប្រព័ន្ធខាងក្នុងរាងកាយផងដែរ៕