មកដឹងពីហេតុការណ៍ធ្លាក់យន្តហោះដែលធ្វើឱ្យមនុស្សបាត់បង់ជីវិតច្រើនបំផុតក្នុងប្រវត្តិសាស្រ្ត

តើអ្នកដឹងទេថា ហេតុការណ៍ធ្លាក់យន្តហោះណាខ្លះដែលបណ្តាលឱ្យមនុស្សបាត់បង់ជីវិតច្រើនបំផុតក្នុងប្រវត្តិសាស្រ្តរបស់ពិភពលោក? អត្ថបទនេះនឹងរាយបញ្ជីគ្រោះថ្នាក់ និងឧបទ្ទវហេតុយន្តហោះដែលធ្លាក់ ឬប៉ះទង្គិចលើដី ឬកណ្តាលអាកាស ដែលបណ្តាលឱ្យមានមនុស្សស្លាប់ច្រើនបំផុតក្នុងប្រវត្តិសាស្ត្ររបស់ពិភពលោក។

ដូច្នេះហើយ ហេតុការណ៍គ្រោះថ្នាក់ដំបូង ដែលបណ្តាលឱ្យមនុស្សនៅលើយន្តហោះ បាត់បង់ជីវិតច្រើនបំផុតនោះគឺ ឧបទ្ទវហេតុយន្តហោះពីរគ្រឿងបុកគ្នា នៅក្នុងព្រលានយន្តហោះ លើកោះថេណេរីហ្វ (Tenerife) របស់អេស៉្បាញ កាលពីថ្ងៃទី២៧ ខែមីនា ឆ្នាំ១៩៧៧ ដោយបានសម្លាប់មនុស្ស ៥៨៣ នាក់ ។

រីឯហេតុការណ៍បន្ទាប់បានកើតឡើងនៅថ្ងៃទី១២ ខែសីហា ឆ្នាំ១៩៨៥ នៅពេលដែល យន្តហោះ Boeing 747SR-46 របស់ក្រុមហ៊ុន Japan Airlines Flight 123 បានធ្លាក់នៅភ្នំ Takamagahara ក្នុង Ueno ខេត្ត Gunma ប្រទេសជប៉ុន ខណៈដែលយន្តហោះនេះកំពុងធ្វើដំណើរពីទីក្រុងតូក្យូទៅ Osaka ដែលបណ្តាលឱ្យមនុស្សនៅលើយន្តហោះ បាត់បង់ជីវិតចំនួន ៥២០ នាក់។

នៅថ្ងៃទី១២ ខែវិច្ឆិកា ឆ្នាំ១៩៩៦ ហេតុការណ៍ដ៏គួរឱ្យរន្ធត់នេះក៏បានកើតឡើងម្តងទៀតនៅភាគខាងលិចនៃទីក្រុងញូវដេលីប្រទេសឥណ្ឌា នៅពេលដែលយន្តហោះ Boeing 747-168B របស់ក្រុមហ៊ុនអាកាសចរណ៍អារ៉ាប៊ីសាអូឌីតកំពុងធ្វើដំណើរពីទីក្រុងដេលីទៅកាន់ទីក្រុង Dhahran ប្រទេសអារ៉ាប៊ីសាអូឌីត បានបុកជាមួយក្រុមហ៊ុនអាកាសចរណ៍កាហ្សាក់ស្ថាន Ilyushin Il-76TD ដែលកំពុងធ្វើដំណើរពី Shymkent ប្រទេសកាហ្សាក់ស្ថាន ទៅកាន់ទីក្រុង Delhi ដោយបានសម្លាប់មនុស្សទាំងអស់ ៣៤៩ នាក់នៅលើយន្តហោះទាំងពីរ។

ទោះជាយ៉ាងណាក៏ដោយ គិតត្រឹមថ្ងៃទី៣ ខែមករា ឆ្នាំ២០២៤ ថ្មីៗនេះយន្តហោះរបស់ Japan Airlines (JAL) Airbus A350 បានប៉ះទង្គិចគ្នាជាមួយយន្តហោះ Dash 8 ដែលកំពុងធ្វើដំណើរទៅកាន់អាកាសយានដ្ឋាន Niigata នៅឆ្នេរសមុទ្រភាគខាងលិចរបស់ប្រទេសជប៉ុន ដោយបានសម្លាប់មនុស្សយ៉ាងហោចណាស់ ៥៥ នាក់ផងដែរ៕