ទស្សនិកជនមួយចំនួនប៉ាន់ស្មានថារូបនាគដែលតារាចម្រៀង ជី ដេវីត យកធ្វើជាទម្រដាក់មេក្រូបកស្រាយបទចម្រៀងថ្ងៃមុនអាចធ្វើឡើងពីស្ពាន់ ប៉ុន្តែការពិត រូបនាគនោះបានឆ្លាក់ពីឈើធ្វើដោយដៃសុទ្ធសាធពីជាងខ្មែរនៅខេត្តបាត់ដំបង។ ក្រោយពីដឹងថារូបនាគនោះធ្វើឡើងពីឈើអ្នកគាំទ្របង្ហាញការភ្ញាក់ផ្អើលយ៉ាងខ្លាំង ខណៈអ្នកខ្លះទៀតក៏បានសរសើរថា ជី ដេវីត តែងតែគាំទ្រស្នាដៃរបស់ខ្មែរ។.jpg)
កាលពីថ្ងៃប្រគំតន្រ្តីលើទឹកដីខេត្តព្រះសីហនុ កន្លងមកថ្មីៗនេះតារាចម្រៀង ជី ដេវីត បានធ្វើឱ្យអ្នកគាំទ្រចាប់ភ្លឹកចំណុចមួយដែលលោកបានយករូបនាគធ្វើជាទម្រមេក្រូឱ្យអ្នកគាំទ្របានឃើញជាលើកទី១ ខណៈអ្នកគាំទ្រខ្លះក៏ប៉ាន់ស្មានថារូបចម្លាក់នាគនោះធ្វើឡើងពីស្ពាន់ ហើយការធ្វើបែបនេះអាចជាស្ទាយ៍ថ្មីមួយរបស់លោក។ ទោះជាយ៉ាងណា ការពិតក៏ត្រូវបានលាតត្រដាងចេញពីជាងដែលបានឆ្លាក់រូបនាគនេះដោយផ្ទាល់ ដែលទម្ររូបនាគនេះវាមិនបានធ្វើឡើងពីស្ពាន់នោះទេ ប៉ុន្តែធ្វើឡើងពីឈើនិងឆ្លាក់ដោយដៃផ្ទាស់សុទ្ធសាធ។.jpg)
គណនីហ្វេកប៊ុកមួយឈ្មោះថា «ជាងចំលាក់ កូនខ្មែរ» បានបង្ហាញឱ្យដឹងថា តារាចម្រៀង ជី ដេវីត បានកម្មង់ឆ្លាក់ដោយដៃជាពិសេស ដែលមានទីតាំងស្ថិតនៅក្នុងខេត្តបាត់ដំបងទឹកដីកំណើតរបស់តារាចម្រៀងរូបនេះផ្ទាល់។ ក្រៅពីស្នាដៃរូបនាគជាងចម្លាក់ខាងលើនេះក៏មានឆ្លាក់រូបជាច្រើនទៀតផងដែរសុទ្ធតែស្រស់ស្អាតនិងមានភាពទាក់ទាញ។
បន្ទាប់ពីអ្នកគាំទ្រ ដឹងថារូបនាគទម្រមេក្រូរបស់ ជី ដេវីត ធ្វើឡើងដោយដៃផ្ទាល់ពីឈើមិនមែនស្ពាន់បានធ្វើឱ្យអ្នកគាំទ្រកាន់តែចាប់អារម្មណ៍កាន់តែខ្លាំង។ អ្នកខ្លះថាបើធ្វើឡើងពីឈើបែបនេះមិនមែនស្រាលនោះទេ ចំណែកឯអ្នកគាំទ្រផ្សេងទៀតបានសរសើរ ជី ដេវីត ដែរថាតារាចម្រៀងរូបនេះតែងតែជួយគាំទ្រស្នាដៃកូនខ្មែរជានិច្ច។ ជាក់ស្តែងកន្លងមកនេះលោកក៏ជួយផ្សព្វផ្សាយគាំទ្រ គុនខ្មែរ ផងដែរ។
គួរបញ្ជាក់ថា ដ្បិតតែ ជី ដេវីត ជាតារាចម្រៀងស្ថិតក្នុងស្រទាប់យុវវ័យខាងចម្រៀងរ៉េបក្តី ប៉ុន្តែលោកក៏បានលើកស្ទួយវប្បធម៌ខ្មែរជាច្រើននៅពេលមានការសម្តែងបទ «មហានគរ » ដូចជា ល្ខោនខោល គុនល្បុក្កតោ របាំអប្សរា រួមទាំងទស្សនីយភាពផ្សេងទៀត៕
