ឥទ្ធិពលមែន! គ្រាន់តែ Lisa ធ្វើពងក្រឡុកញុំាជាមួយបាយ អ្នកលក់នៅថៃលក់ដាច់សឹងមិនទាន់អ្នកទិញ

ក្នុងបទសម្ភាសន៍របស់ Lisa សមាជិកក្រុម BLACKPINK ជាមួយ Spotify ដែលអបអរចំនួនមួយពាន់លានដងសម្រាប់ បទ”MONEY” កាលពីថ្ងៃទី១៦ វិច្ឆិកា កន្លងទៅនេះ Lisa បានចម្អិនម្ហូបថៃដែលនាងចូលចិត្ត គឺ khai jiao (ពងក្រឡុក) ហើយញ៉ាំវាដោយផ្ទាល់នៅលើពានរង្វាន់របស់នាង។ ក្រោយចេញវីដេអូនេះបាយពងក្រឡុកបានផុសពេញបណ្ដាញសង្គមថៃដោយសារព័ត៌មាននានាបានរាយការណ៍ថាមានការកើនឡើងនៃការលក់មុខម្ហូបនេះផងដែរ។

បាយពងក្រឡុកលក់ដាច់ខ្លាំង បន្ទាប់ពី Lisaបង្ហាញជំនាញធ្វើបង្គាបំពងដែលនាងចូលចិត្តអ្នកគាំទ្រជាច្រើនបាននាំគ្នាសម្រុកទៅភោជនីយដ្ឋាននានាក្នុងប្រទេសថៃ។ នេះជាសម្តីរបស់ម្ចាស់តូបលក់បាយមួយកន្លែងដែលមានទីតាំងនៅផ្សារឌិនដាន ក្នុងក្រុងខនកែន បានប្រាប់អ្នកសារព័ត៌មាន។ អ្នកលក់រូបនេះថាកាលមុនខ្លួនប្រើពងតែ ៥ ទៅ ៦ គ្រាប់ក្នុងមួយថ្ងៃ យ៉ាងណាមិញ បន្ទាប់ពីវីដេអូរបស់ Lisa ត្រូវបានចេញផ្សាយ អ្នកលក់ត្រូវស្វែងរកជំនួយការភ្លាមៗ និងទិញពងជាវត្ថុធាតុដើមបន្ថែមទៀត ដើម្បីបំពេញតម្រូវការកើនឡើងរបស់អតិថិជន។

អ្នកលក់បាយរូបនោះ បានថ្លែងអំណរគុណ Lisa ក្នុងវីដេអូរបស់នាងដែលធ្វើឱ្យមានការកើនឡើងនៃអតិថិជនហើយសង្ឃឹមថាថ្ងៃណាមួយ តារាចម្រៀង BLACKPINK រូបនេះអាចទៅលេងតូបរបស់ខ្លួននៅខុនកែន ហើយភ្លក់ម្ហូបរបស់ខ្លួនដោយមិនគិតថ្លៃ។

យ៉ាងណានេះមិនមែនជាលើកទី១នោះទេ ដែល Lisa ប្រើឥទ្ធិពលរបស់ខ្លួនជំរុញឱ្យអាជីវករស្រុកថៃបានលក់ដាច់ជាហូរហែល្បីល្បាញមានភ្ញៀវភ្លូកទឹកភ្លូកដីទៅញុំាតាមនាង។ ជាក់ស្តែង កន្លងមកគ្រាន់តែ Lisa ញុំាប្រហិតធ្វើឱ្យមានការកើនឡើងយ៉ាងខ្លាំងអ្នកគាំទ្រញុំាតាមLisaព្រាត សូម្បីតែទឹកក្រូចដែលនាងបង្ហោះនៅលើបណ្តាញសង្គមក៏មានការលក់ដាច់ខ្លាំងដូចគ្នា។

លើសពីនេះទៅទៀតកាលពីLisa ចេញMVមកុដដែលនាងពាក់នៅប្រទេសថៃក៏មានការផលិតលក់ដាច់ខ្ទេចគ្មានសល់ដូចគ្នា។ ឥទ្ធិពល Lisa តារាK-Popមានដើមកំណើតថៃរូបនេះពិតជាមិនធម្មតានោះទេ ប្រើភាពល្បីល្បាញរបស់ខ្លួនឱ្យប្រជាជនថៃរកចំណូលបានយ៉ាងច្រើនដូចនេះ៕