នៅពេលដែលមុខងារក្រពេញទីរ៉ូអ៊ីតធ្លាក់ចុះ ទម្ងន់រាងកាយត្រូវបានផ្លាស់ប្តូរយ៉ាងឆាប់រហ័ស ហើយមុខងាររាងកាយនឹងអស់កម្លាំង ក៏ដូចជាធ្លាក់ទឹកចិត្តកាន់តែអាក្រក់ទៅៗ។ ក្រពេញទីរ៉ូអ៊ីតមានទីតាំងនៅកណ្តាលផ្នែកខាងមុខនៃកញ្ចឹងក ហើយជាសរីរាង្គ endocrine ដែលមានរាងដូចមេអំបៅ ដែលភ្ជាប់ទៅនឹងផ្នែកខាងមុខនៃបំពង់ក។ លើសពីនេះទៀត ក្រពេញទីរ៉ូអ៊ីតដើរតួនាទីយ៉ាងសំខាន់ក្នុងការគ្រប់គ្រងការរំលាយអាហារក្នុងរាងកាយ អារម្មណ៍ ចង្វាក់បេះដូង សម្ពាធឈាម និងសីតុណ្ហភាពរាងកាយដោយការបញ្ចេញអរម៉ូន។
ដូច្នេះដើម្បីទទួលបានអាហារដែលសម្បូរទៅដោយជាតិអ៊ីយ៉ូត និងម៉ាញ៉េស្យូម ជួយការពារសុខភាពក្រពេញទីរ៉ូអ៊ីតឱ្យល្អមានដូចខាងក្រោម៖
១.អាហារសមុទ្រសម្បូរជាតិអ៊ីយ៉ូត៖ អាហារដែលសម្បូរទៅដោយជាតិអ៊ីយ៉ូតមានដូចជា ត្រីសែល និងសត្វក្រៀល ព្រមទាំងត្រីផ្សេងៗ មានអ៊ីយ៉ូតច្រើន។ ធាតុផ្សំនេះគឺជាសារធាតុរ៉ែដ៏សំខាន់សម្រាប់ដំណើរការប្រកបដោយប្រសិទ្ធភាពនៃក្រពេញទីរ៉ូអ៊ីត ដែលគ្រប់គ្រងការរំលាយអាហារ និងការលូតលាស់របស់រាងកាយ។ ហេតុនេះហើយ ការកង្វះជាតិអ៊ីយ៉ូតអាចបណ្តាលឱ្យក្រពេញទីរ៉ូអ៊ីតហើម សន្លឹម អស់កម្លាំង និងបាត់បង់ថាមពលជាដើម។
២.បន្លែស្លឹកបៃតងដែលសម្បូរទៅដោយជាតិម៉ាញ៉េស្យូម៖ ម៉ាញេស្យូមគឺជាសារធាតុរ៉ែដ៏ចាំបាច់បំផុតសម្រាប់មុខងាររបស់ក្រពេញទីរ៉ូអ៊ីត ដែលផលិតអរម៉ូនទីរ៉ូអ៊ីត។ ប្រសិនបើអ្នកមិនទទួលបានម៉ាញេស្យូមគ្រប់គ្រាន់ទេ អ្នកអាចទទួលរងពីការខ្វះថាមពល ចង្វាក់បេះដូងមិនធម្មតា ឬរមួលក្រពើជាដើម។ ដូច្នេះបន្លែស្លឹកបៃតងដូចជា spinach, chard, និងសាឡាត់សម្បូរទៅដោយម៉ាញេស្យូម ហើយបន្លែទាំងនេះក៏ជួយឱ្យក្រពេញទីរ៉ូអ៊ីតរបស់អ្នកដំណើរការបានល្អផងដែរ។
៣. អាហារដែលត្រូវប្រយ័ត្ន៖ អាហារដែលអ្នកត្រូវប្រយ័ត្នមានដូចជា ថ្លើម បេះដូង និងតម្រងនោម ជារឿយៗត្រូវបានប្រើប្រាស់ជាគ្រឿងផ្សំអាហារ។ សាច់សរីរាង្គទាំងនេះមានអាស៊ីតខ្លាញ់ច្រើនដែលត្រូវបានគេស្គាល់ថាជាអាស៊ីត lipoic ដែលអាស៊ីតនេះនឹងបណ្តាលឱ្យមានបញ្ហាជាមួយមុខងារក្រពេញទីរ៉ូអ៊ីត រួមទាំងការថយចុះកម្រិតអរម៉ូនទីរ៉ូអ៊ីតជាដើម៕
ប្រភព៖kormedi.com
